Norwégiyede “Sherqiy türkistan erkinlik longqisini talishish” putbol musabiqisi bashlandi

Ixtiyariy muxbirimiz azigh
2022.07.01
Share on WhatsApp
Share on WhatsApp
Norwégiyede “Sherqiy türkistan erkinlik longqisini talishish” putbol musabiqisi bashlandi “Sherqiy türkistan erkinlik longqisi talishish” putbol musabiqisining échilish murasimida musabiqige chüshidighan komandilar. 2022-Yili 1-iyul, norwégiye.
Social Media

1-Iyul küni norwégiyede “Sherqiy türkistan erkinlik longqisi talishish” putbol musabiqisi resmi bashlan'ghan. Mezkur putbol musabiqisi norwégiye Uyghur putbol jem'iyiti, norwégiye Uyghur yashlar uyushmisi we norwégiye Uyghur islam medeniyet merkizi teripidin orunlashturulghan bolup, 3-iyol küni ayaghlishidiken. Mezkur musabiqini yene norwégiye Uyghur jama'iti maddiy we meniwiy jehettin qollighan.

“Sherqi türkistan erkinlik longqisini talishish” putbol musabiqige norwégiye, shiwétsiye, bélgiye, gollandiye we gérmaniyedin kelgen 5 Uyghur komandisdin jem'iy 90 etrapida tenheriketchi qatnashqan. Yamghurgha qarimay musabiqe intayin janliq élip bérilghan bolup, yawropadiki Uyghur musabiqini qizghinliq bilen körgen.

“Sherqiy türkistan erkinlik longqisi talishish” putbol musabiqisining échilish murasimida musabiqige chüshidighan komandilar. 2022-Yili 1-iyul, norwégiye.

“Sherqiy türkistan erkinlik longqisi talishish” putbol musabiqisi 2011-yili gollandiyede bashlan'ghan bolup, buningdin burun yene türkiye we gérmaniyede ötküzülgen iken.

Norwégiye Uyghur yashlar uyushmisining qurghuchisi merdan Uyghur ziyaritimizni qubul qilip, bu pa'aliyetni yashlarning jenggiwarliqini ashurush, muhajirettiki Uyghur yashlirini öz ara tonushturush we yashlarda Uyghur milliy kimlikini yitildürüsh meqsitide teshkilligenlikini éytti.

Merdan Uyghur yene bu pa'aliyetning nishani we bundin kiyinki pilanliri toghrisidimu toxtilip ötti.

Bu qétimliq putbol musabiqisini körgen tamashibinalardin sirajidin ependi ziyaritimizni qubul qilip, öz tesiratlirini biz bilen ortaqlashti.

Xitayning Uyghurlargha qaratqan qirghinchiliq siyasetlirining küchiyishige egiship, muhajirettiki Uyghurlarning öz milliy we diniy kimlikini qoghdash, irqiy qirghinchiliqqa qarshi turush iradisi kücheymekte. Igilinishiche, muhajirettiki Uyghurlar her xil pa'aliyetler teshkillesh arqiliq, Uyghur yashlirining milliy rohini yitildürüsh üchün tirishchanliq körsetmekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet