Муһаҗирәттики уйғурлар өз шеирийитини сақлап қелиш үчүн күрәшкә атланған

Мухбиримиз җүмә
2020-12-06
Share
Муһаҗирәттики уйғурлар өз шеирийитини сақлап қелиш үчүн күрәшкә атланған Тонулған уйғур язғучи, шаир вә доктор пәрһат турсун.
Photo: RFA

Әнглийәдин чиқидиған “һамий” гезити тәқриз елан қилип, хитайниң бастуруши уйғур шеирийитини йоқилиш гирдабиға елип барған болсиму, әмма муһаҗирәттики уйғурларниң уни сақлап қелиш үчүн күрәшкә атланғанлиқини билдүрди.

Тәқриздә уйғур шеирийитиниң миң йиллиқ әнәниниң вариси икәнлики, униң 11-әсирдә қәләмгә елинған шеирий пәлсәпә рисалиси- “қутадғу билиг” кә охшаш әсәрләргә тутишидиғанлиқи көрситилди.

Тәқриздә йәнә, 2017-йилдин башлап хитай һөкүмитиниң уйғурларға қарши елип барған һәрикәтлири сәвәблик уйғур мәдәнийитиниң мисли көрүлмигән бесимларға дуч кәлгәнлики, милйондин артуқ уйғур вә башқа аз санлиқ милләт әзалириниң җаза лагерлири вә тутуп туруш орунлириға ташланғанлиқи, мәктәпләрдә уйғур тилини ишлитиш қисқартилғанлиқи баян қилинди.

Тәқриздә мундақ дейилди: “райондин қечип чиққан бир қисим кишиләр язғучилар, алимлар, оқутқучилар кәң-көләмдә тутқун қилинғандин башқа, 30 дин артуқ шаирниң тутуп кетилгәнликини доклат қилди. Бу арилиқта, муһаҗирәттики язғучилар өз мәдәнийитини сақлап қелиш йолиға атланди.”

Тәқриздә йәнә, түрмигә ташланғанлиқи илгири сүрүлгән пәрһат турсун, һазир канадада яшайдиған әхмәтҗан осман вә түркийәдә яшайдиған абидә аббас нәсрин, 2018-йили юрти хотәндә аләмдин өткән уйғур шаири ғоҗимуһәммдә муһәммәд қатарлиқ уйғур шаирлириниң бир қисим шеирлириниң инглизчә тәрҗимиси берилди.

Уйғур җәмийитидә бәлгилик тәсиргә игә шаир пәрһат турсунниң 2018-йили январдин буян лагерға қамалғанлиқи мәлум болған иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт