Muhajirettiki Uyghurlar öz shé'iriyitini saqlap qélish üchün küreshke atlan'ghan

Muxbirimiz jüme
2020-12-06
Share
Muhajirettiki Uyghurlar öz shé'iriyitini saqlap qélish üchün küreshke atlan'ghan Tonulghan Uyghur yazghuchi, sha'ir we doktor perhat tursun.
Photo: RFA

En'gliyedin chiqidighan "Hamiy" géziti teqriz élan qilip, xitayning basturushi Uyghur shé'iriyitini yoqilish girdabigha élip barghan bolsimu, emma muhajirettiki Uyghurlarning uni saqlap qélish üchün küreshke atlan'ghanliqini bildürdi.

Teqrizde Uyghur shé'iriyitining ming yilliq en'enining warisi ikenliki, uning 11-esirde qelemge élin'ghan shé'iriy pelsepe risalisi- "Qut'adghu bilig" ke oxshash eserlerge tutishidighanliqi körsitildi.

Teqrizde yene, 2017-yildin bashlap xitay hökümitining Uyghurlargha qarshi élip barghan heriketliri seweblik Uyghur medeniyitining misli körülmigen bésimlargha duch kelgenliki, milyondin artuq Uyghur we bashqa az sanliq millet ezalirining jaza lagérliri we tutup turush orunlirigha tashlan'ghanliqi, mekteplerde Uyghur tilini ishlitish qisqartilghanliqi bayan qilindi.

Teqrizde mundaq déyildi: "Rayondin qéchip chiqqan bir qisim kishiler yazghuchilar, alimlar, oqutquchilar keng-kölemde tutqun qilin'ghandin bashqa, 30 din artuq sha'irning tutup kétilgenlikini doklat qildi. Bu ariliqta, muhajirettiki yazghuchilar öz medeniyitini saqlap qélish yoligha atlandi."

Teqrizde yene, türmige tashlan'ghanliqi ilgiri sürülgen perhat tursun, hazir kanadada yashaydighan exmetjan osman we türkiyede yashaydighan abide abbas nesrin, 2018-yili yurti xotende alemdin ötken Uyghur sha'iri ghojimuhemmde muhemmed qatarliq Uyghur sha'irlirining bir qisim shé'irlirining in'glizche terjimisi bérildi.

Uyghur jem'iyitide belgilik tesirge ige sha'ir perhat tursunning 2018-yili yanwardin buyan lagérgha qamalghanliqi melum bolghan idi.

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet