Uyghur soti üchün guwahchilar london'gha jem boldi

Ixtiyariy muxbirimiz ekrem
2021-06-01
Share
Xitay da'iriliri béyjingda axbarat yighini échip, en'giliyediki En'gliyening london shehiride dangliq kishilik hoquq adwokati jéfféri nayis bashchiliqida qurulghan "Uyghur sot kollégiyesi"
Uyghur Tribunal

London'gha jem bolghan guwahchilar "Uyghur sot kollégiyesi" ning 4-iyun bashlinidighan soti üchün jiddiy hazirliq qilmaqta.

En'gliye paytexti londondin igiligen melumatlirimizgha qarighanda, "Uyghur sot kollégiyesi" ning 4-iyun bashlinidighan soti üchün guwahliq bérishni xalighan guwahchilar 27-may dunyaning herqaysi jayliridin kélip london'gha jem bolghan we nöwette koruna wirusi siniqi mezgilini bashtin köchürmekte iken.

Musteqil "Uyghur sot kollégiyesi" ning xitayning Uyghurlar üstidin élip bériwatqan irqiy qirghinchiliqini bahalashni meqset qilghan bu qétimqi tunji soti 4-iyundin 7-iyun'ghiche 4 kün dawam qilidighan bolup, bügün, 1-iyun küni d u q re'isi dolqun eysa ependi londondin ziyaritimizni qobul qilghanda bu sotning yaxshi bir netije bilen xulasilinishige ümid bilen qaraydighanliqini bildürdi.

Bu qétimqi sotta guwahliq bérish üchün amérikadiki "Uyghur herikiti" teshkilatining diréktori roshen abbas xanimmu london'gha yétip kelgen. U bu heqte ziyaritimizni qobul qilghanda sotta bigunah turup uzun yilliq qamaq jazasigha mehkum qilin'ghan hedisi gülshen abbas we yoldishi abdulhekim idrisning a'ilisidin qamalghan 24 kishi üchün guwahliq bérishke hazirliniwatqanliqini tilgha aldi.

Bu qétimqi sotni uzundin buyan jaza lagérliri we xitayning her türlük zulumliri toghriliq delil-ispatlar bilen teminlep kelgen merkizi norwégiyediki "Uyghur edliye arxip ambiri" ning mest´uli bextiyar ömer ependimu london'gha yétip kelgen bolup, u bu heqte ziyaritimizni qobul qilghanda mezkur sot üchün köp ejirler serp qilin'ghanliqini tekitlidi. U sözide "Uyghur edliye arxip ambiri" ning uzundin buyan toplap kelgen jaza lagérlirigha a´it matériyallirini guwahliq süpitide sotta otturigha qoyidighanliqini bayan qildi.

Melum bolghinidek, xitay hakimiyiti 25-may küni axbarat élan qilish yighini ötküzüp "Uyghur sot kollégiyesi" ge hujum qilghan hemde guwahchilargha bu sotqa qatnashmasliq heqqide tehdit sélip kelgen. London'gha yétip barghan d u q ning mu'awin re'isi perhat muhemmidi ependi bu xususta pikir bayan qilghanda, xitayning türlük hujumliri we tehditlirige qarimay sotning teyyarliq xizmetlirining ongushluq élip bériliwatqanliqini eskertti.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet