Dolqun eysa: “Uyghur sot kollégiyesi” ning qararini yawropa döletlirige étirap qildurush nöwettiki jiddiy wezipimiz

Ixtiyariy muxbirimiz ekrem
2022-05-05
Share
duq-norwegiye-2.jpg D u q ning re'isi dolqun eysa we programma yétekchisi zumret'ay norwégiye tashqi ishlar ministirliqini öz ichige alghan norwégiyening yuqiri derijilik hökümet xadimliri bilen muhim uchrishishlarni ötküzdi. 2022-Yili may.
RFA/Ekrem

5-Maydin bashlap d u q rehberliridin dolqun eysa, d u q fondi re'isi abdujélil emet we d u q programma yétekchisi zumret'ay Uyghur norwégiye Uyghur komitétining re'isi bextiyar ömer qatarliqlar bilen birlikte norwégiye hökümet xadimliri we norwégiyediki kishilik hoquq teshkilatliri bilen uchriship, “Uyghur sot kollégiyesi” ning “Uyghur irqiy qirghinchiliqi” we “Insaniyetke qarshi jinayet” qararini norwégiye hökümitige étirap qildurush pa'aliyitini bashlighan.

Norwégiye paytexti oslodin ziyaritimizni qobul qilghan d u q re'isi dolqun eysa ependi, bu qétimqi ziyaretning meqsiti heqqide toxtalghanda, “Uyghur sot kollégiyesi” ning “Uyghur irqiy qirghinchiliqi” we “Insaniyetke qarshi jinayet” qararini yawropa döletlirige étirap qildurushning d u q ning nöwettiki jiddiy wezipisige aylan'ghanliqini tilgha aldi.

D u q ning re'isi dolqun eysa we programma yétekchisi zumret'ay norwégiye tashqi ishlar ministirliqini öz ichige alghan norwégiyening yuqiri derijilik hökümet xadimliri bilen muhim uchrishishlarni ötküzdi. 2022-Yili may.

Norwégiye Uyghur komitétining re'isi bextiyar ömer ependi bolsa d u q wekillirining bügün norwégiye tashqi ishlar ministirliqini öz ichige alghan norwégiyening yuqiri derijilik hökümet xadimliri bilen muhim uchrishishlarni ötküzgenlikini bayan qildi. U sözide ete yene birqisim muhim siyasiy shexsler we yerlik teshkilatlarning mes'ulliri bilen uchrishishlar ötküzidighanliqini eskertti.

D u q programma yétekchisi zumret'ay Uyghur aldinqi hepte d u q rehberliri finlandiyede ziyarette bolghanda, finlandiye hökümet xadimliridin b d t kishilik hoquq kéngishining aliy komissari mishél bachélétqa bésim ishlitip, Uyghurlar toghrisida b d t teripidin hazirlan'ghan doklatni élan qiliwétishni telep qilghan'gha oxshash, bügünki söhbetlerdimu norwégiye hökümet xadimlirigha oxshash telepni qoyghanliqini, bügünki söhbetlerning asasen “Uyghur sot kollégiyesi” ning “Uyghur irqiy qirghinchiliqi” we “Insaniyetke qarshi jinayet” qarari bilen munasiwetlik bolghanliqini ipade qildi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet