Хитайниң чоң тутқуниға қатнашқан шаһит гүлпипйә қазибек: “һәммә иш бир кечидә туюқсиз башланди”

Вашингтондин мухбиримиз әркин тәйярлиди
2024.01.22
Gulpiye-qazibek-1 Гүлпийә қазибек ғулҗа наһийәсиниң әвлия йезисида ишләватқан мәзгилидики хизмәт кинишкиси.
Gülpiye Qazibék teminlidi

Гүлпийә қазибек 1999-йили әйни вақиттики “шинҗаң теббий институти” тармақ мәктипиниң клиникилиқ давалаш кәспини пүттүрүп, ғулҗа наһийәсигә қарашлиқ дөңмазар базириниң пиланлиқ туғут кадири болуп тәқсим қилинғанда, көңлигә кәлгүсидә бир даңлиқ дохтур болуш арзусини пүккән иди. Лекин у 1999-йилдин таки 2019-йилғичә 20 йилдәк ғулҗа наһийәсиниң дөңмазар, қараяғач, әвлия йезилиридики пиланлиқ туғут комитетлирида ишләшкә мәҗбур болған.

Гүлпийә қазибәг үчүн ейтқанда, 2017-йили уйғур райондики милйонлиған инсанларға ‍охшашла униң һаяти үчүнму бир бурулуш нуқтисидур. У, бир йеза пиланлиқ туғут кадири болуш сүпитидә, 2017-йили башланған ши җинпиңниң “йеңи дәврдики шинҗаңни идарә қилиш истиратегийәси” намидики кәң көләмлик бастуруш һәрикитигә мәҗбурий қатнаштурулиду. Гүлпийә қазибекниң ейтишичә, “һәммә иш, 2017-йилиниң бир кечиси туюқсиз башланған”.

Гүлпийә қазибекниң җиаңсуниң шинҗаңға нишанлиқ ярдәм бериш или областлиқ 3-қетимлиқ пиланлиқ туғут тәрбийиләш синипидикиләр билән чүшкән сүрити.
Гүлпийә қазибекниң җиаңсуниң шинҗаңға нишанлиқ ярдәм бериш или областлиқ 3-қетимлиқ пиланлиқ туғут тәрбийиләш синипидикиләр билән чүшкән сүрити.
Gülpiye Qazibék teminlidi

Гүлпийә қазибек 2019-йилниң ахирлирида аилә мунасивити билән қазақистанға көчүп чиққан. У радийомизниң мәхсус зияритимизни қобул қилип, хитайниң 2017-йили башланған чоң тутқунида өзиниң әвлийә йезисида шаһит болған трагедийәлик вәқәләрни биз билән ортақлашти. У, бир йезилиқ һөкүмәт кадири болуш сүпитидә хитайниң 2017-йили башланған чоң тутқуниға мәҗбури қатнишип, бастурушниң көлими, тәсири, униң шиддәтлик дәриҗисигә шаһит болған вә униңға ашкара гуваһлиқ бәргән интайин аз сандики сабиқ йеза кадирлириниң биридур.

Төвәндә гүлпийә қазибек билән өткүзгән сөһбитимизниң 1-қисми диққитиңларда болиду.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.