Апәт характерлик һава килимати уйғур аптоном районида диһқанларға зор дәриҗидә зиян салди


2006.04.21
Share on WhatsApp
Share on WhatsApp

Апәт характерлик һава килимати уйғур аптоном районида диһқанларни 600 милйон йүәнлик иқтисади зиянға учратти. Шинхуа ахбарат агентлиқиниң хәвәр қилишичә, буғдай вә кевәз қатарлиқ зираәтләрниң зиянға учраш әһвали әң еғир икән. Бу зираәтләр уйғур диһқанлириниң асаслиқ териқчилиқ түрлири һесаблинатти. Лекин һөкүмәт даирилири зиянға учриған диһқанларни қутқузуш җәһәттә қандақ тәдбир вә ярдәм түрлирини йолға қоюдиғанлиқи тоғрисида һазирғичә һечқандақ бир пиланни оттуриға қоюп бақмиған.

Бу йил баһар пәсли киргәндин бери, уйғур аптоном райони 2 қетим соғақ һаваниң һуҗумиға учриди. Уйғур аптоном районлуқ диһқанчилиқ назаритиниң әмәлдари ли җиңтйәнниң әскәртишичә, қәшқәр, ақсу, хотән қатарлиқ вилайәтләрдә соғақ һава килимати 20 күнгичә давам қилған вә буниң билән нәшпүт, бадам, шаптул қатарлиқ мивә көчәтлириниң 50 % и үшшүп кәткән.

Ли җиңтйән зиянға учриған көктатлиқ, кевәз вә буғдайлиқниң бир милйон йүз миң моға йетидиғанлиқини билдүрмәктә. Лекин уйғур аптоном райони даирилири һазирғичә диһқанларниң бу апәттин қандақ өтүвелишини нишан қилған ярдәм пиланини елан қилип бақмиди. Қәшқәр вилайитигә қарашлиқ наһийиләрдики диһқанлар һазирғичә һөкүмәт даирилиридин бирәр ярдәмгә еришип бақмиғанлиқини яки көрсәтмә елип бақмиғанлиқини билдүрмәктә. (Әркин)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.