Йәкәндә йүз миң деһқан кәң көләмлик һашарға тутулди


2007-03-11
Share

Қәшқәр һөкүмәт тор бетидин ашкарилинишиға қариғанда, -3 ай кириши биләнла қәшқәрниң йәкән наһийисидә, боз йәр ечиш, көкәртип орман бина қилиш дегән намда һашар йәнә башланған болуп, йәкәнниң 29 йеза кәнтлиридин болуп 100миң деһқан һашарға ишлимәктә икән.

Хәвәрдә көрситилишичә, йәкән наһийилик һөкүмәт йәкәнниң яқаериқ кәнти тәвәсидики екологийилик муһити начар болған 10 миң мо келидиған чөллүкни бадам ишләпчиқириш базисиға айландурушни пиланлиған болуп, һашарға тутулған 100миң деһқан -6 марттин башлап наһайити начар шараитта бу җайда еғир һәқсиз әмгәккә орунлаштурулған.

Деһқанлардин игилинишичә, йәкән наһийилик һөкүмәт, бу баһардики һашар әмгики җәрянида деһқанларға 8450 мо йеңи боз ечиш, 68 таш йолни яшас, 68 километир узунлуқта орман бәлвеғи ясаш, йәнә 2400 метир өстәң һәмдә 50000дин артуқ тармақ ериқ өстәңләрни чепиш қатарлиқ әмгәк вәзипилирини йүклигән.

Бикарға һашаға тутуш деһқанларда әң күчлүк наразилиқ қозғап келиватқан мәсилә болуп,гәрчә хитай һөкүмити пәқәт уйғур елидила давамлишип кәлгән шаһар әмгикини -2005 йилиниң ахириғичә пүтүнләй бикар қилидиғанлиқини җакарлиған болсиму әмма уйғур йезилиридин игилигинимиздәк һәқсиз мәҗбури әмгәк болған һашар уйғур елида һелиһәм еғир дәриҗидә мәвҗут. Һөкүмәт деһқанларни кәң көләмлик һашарға тутиватқан болсиму, буниң һәқсиз һашар икәнликини йошуруп кәлмәктә.

Йәрлик даириләр бу қетим йәкәндә башланған кәң көләмлик һашарниңму характерини йошуруп "йәкәндики деһқанлар боз йәр ечиш,көкәртиш долқунини юқири көтүрди" дәп хәвәр елан қилди.(Гүлчеһрә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт