Хитайниң намрат уйғур деһқанлирини йөләш сиясити қандақ иҗра қилиниватиду?


2007-06-21
Share

Хитай ахбарат вастилириниң 21 ‏- июн күнидики хәвиридә, уйғур елиниң йеза ‏- қишлақлирида 1 милйон 290 миң кишиниң намратлиқта яшайдиғанлиқи, шуңа һөкүмәтниң деһқан - чарвичиларни мәнпәәтләндүридиған " әлрайи қурулуши" елип беришни пиланлаватқанлиқи елан қилинди.

Истансимизниң бивастә уйғур деһқанлардин игилигән мәлуматлиридин қариғанда, уйғур елиниң җәнубидики йеза ‏- қишлақлардики деһқанларниң турмуши интайин начар болуп, нурғун деһқан аилисидә һәтта електир токиму йоқ болуп, һәтта қорсақ тойғузушқа мадари йәтмәйдиған деһқанларму бар икән.

Хитай даирилири йәнә, намрат уйғур деһқанлирини һаллиқ сәвийигә йәткүзүш шуари билән, һәр бир деһқан аилисидин қизларни асас қилған әмгәк күчлирини хитайдики завутларға орунлаштурмақта. Бу һәрикәт вәтән ичи вә сиртидики уйғурларниң қаттиқ наразилиқини қозғаш билән биргә, хитай өлкилиридә ишләватқан уйғур қизлириниң түрлүк қисмәтләргә дучар болуватқанлиқи ашкариланмақта.

Хәвәрләргә қариғанда, йеқинда йәкән наһийисидин хитайниң хәйяң шәһиригә елип кетилгән бәш қиз, завуттики бесимларға бәрдашлиқ берәлмәй, уйғур тиҗарәтчиләрниң ярдими астида үрүмчигә қечип кәлгән. Бу қизлар наһийә вә йеза башлиқлириниң бир йиллиқ тохтамни бузғанларға еғир җәриманә төләш селиқидин қорқуп, өз юртлириға баралмай тәмтирәп йүрүшмәктә икән. (Әқидә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт