Ғулҗа наһийисидики кан һадисилиридә 5 киши қаза қилди


2005-11-30
Share

Уйғур елиниң ғулҗа наһийисидә 3 күнниң ичидә 3 қетим кан вәқәси йүз берип 5 киши қаза қилди.

Тәңритағ хәвәр ториниң мәлуматиға қариғанда, 26‏-ноябир күни ғулҗа наһийисидики 2 қетимлиқ кан вәқәсидә 4 киши қаза қилғандин кейин, 28‏-ноябир күни мәзкур ғулҗа наһийисиниң оняр йезисидики бир көмүрканда кан үсти көмүрүлүш вәқәси йүз берип, нәқ мәйданда еғир яриланған бир нәпәр ишчи дохтурханида қутқузуш үнүм бәрмәй қаза қилған.

Хәвәрдә бу кан ишчилириниң миллити яки яш қорами тоғрисида һечқандақ учур берилмигән. Әмма оняр йезисида асаслиқи уйғурларниң көп нопусни игиләйдиғанлиқи мәлум. Хәвәргә қариғанда, бу қетимлиқ вәқәгә асаслиқи кан торусиниң аҗиз болиши, кан қезиш усулиниң қалақ болуши вә нәқ мәйданни башқуруш системисиниң начар болуши қатарлиқлар сәвәб болидикән.

Уйғур елидә кан вәқәсини өз ичигә алған хизмәткә алақида бихәтәрлик һадисилири көп йүз беридиған болуп, көмүр кан бихәтәрлик ишләпчиқириш органлириниң чиқарған статистикисиға қариғанда, бу йил 1‏-айдин 9‏-айғичә болған мәзгилдә уйғур елидә йүз бәргән бихәтәрлик һадисилиридә җәмий 2676 киши қаза қилип, күнигә тәхминән 8.9 Киши қаза болуштәк вәзийәт шәкилләнгән. (Пәридә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт