Lo gen altayda yene "bölgünchiler" ge hujum qildi


2005-09-27
Share

Xitay kompartiyisi merkizi komitét siyasi byurosining da'imiy ezasi, Uyghur aptonom rayoni qurulghanliqining 50 yilliqini tebriklesh merkizi wekiller ömikining bashliqi lo gen, düshenbe küni Uyghur aptonom rayonining altay wilayitini ziyaret qilghanda yene atalmish "milliy bölgünchiler" mesilisini tilgha aldi.

Lo gen, ziyaret jeryanida altaydiki herbiy da'iriler, bingtü'enlikler, köchmenler we yerlik da'irilerni atalmish "milliy bölgünchiler" we "térrorchilar" gha qarshi küresh qilishqa chaqirghan.

Lo gen, siyasi béyroning qanun we bixeterlik ishlirigha mesul da'imi ezasi bolup, u, Uyghur aptonom rayonigha qedem qoyghandin béri atalmish "milliy bölgünchiler we térrorchilar" mesilisini küntertiptin chüshürmidi. U, altayda "biz milliy bölgünchilikke we térrorizmgha qet'iy qarshi turushimiz shundaqla ijtima'iy tertipni saqlash üchün tirishchanliq körsitishimiz kérek," dep tekitligen.

Xitayning Uyghur aptonom rayonida qanat yayduriwatqan atalmish térorchilar we bölgünchilerge qarshi turush herikiti xelq'ara kishilik hoquq organlirining tenqidige uchrimaqta. Xelq'ara kechürüm teshkilati bu heriketni térrorizmni bahane qilip, Uyghurlarning kishilik hoquqini depsende qilish, dep eyibligen. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet