Qazaqistan jumhuriyitining parlamént saylimida Uyghurlarmu orun'gha érishti


2007-08-20
Share

Yekshenbe küni ayaghlashqan qazaqistan jumhuriyitining parlamént saylimida, qazaqistanda yashaydighan Uyghurlarning wekiligimu bir orun bérilgen bolup, yerlik kishilerning bildürüshiche, qazaqistan jumhuriyitining parlaméntida Uyghurlargha orun bérilishi kishini tolimu ilhamlanduridighan ish iken.

Melum bolushiche, qazaqistandiki jumhuriyetlik Uyghur tiyatirining diréktori, medeniyet erbabi murat ehmidi qazaqistandiki Uyghurlarning wekili süpitide qazaqistan parlaméntidiki yüz nechche orunning birsige érishken.

Hazir qazaqistanda hayat kechürüwatqan dunya Uyghur qurultiyining mu'awin re'isi qehriman ghojamberdining bildürüshiche, yüzdin artuq parlamént ezalirining ichide Uyghurlargha bir orun bérilishi, Uyghurlar üchün intayin muhim ehmiyetke ige bolup, buning qazaqistandiki Uyghurlarning milliy menpe'etini qoghdashta roli chong iken.

Buningdin bir qanche ay ilgiri, qazaqistan prézidénti nursultan nazarbayéf qazaqistan asasiy qanunigha özgertish kirgüzdighanliqni jakarlap, qaytidin saylam ötküzidighanliqini bildürgen hemde prézidéntliq möhlitini qisqartish bilen birge parlaméntqa az sanliq milletlerningmu öz wekillirini kirgüzüsh salahiyiti bérilidighanliqini jakarlighan idi.

19- Awghust ayaghlashqan qazaqistan jumhuriyitining parlamént saylimida prézidént nursultan nazarbayéfning partiyisi "nur otan" yeni " nurluq weten" partiyisi % 88 awaz bilen qazaq parlaméntida 99 orun'gha érishkenlikini jakarlighan idi. (Jüme)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet