Uyghur aptonom rayonida bir milyon 600 ming puqra kiyim - kéchek, turalghu we yéqilghusiz qaldi


2005.12.16

Uyghur aptonom rayonluq xelq ishlar nazaritining 14 - dékabir küni ashkarilishiche, aptonom rayon boyiche apetke uchrighan rayonlarda bir milyon 635 ming puqra kéyim - kéchek, turalghu jay, yotqan körpe, yimek ‏- ichmek we yéqilghu qatarliq hayat qélishqa zörür bolghan asasi turmush éhtiyajlirining jiddiy hel qilinishi'ini kütmektiken.

Maralbéshining chongqorchaq yézisidiki puqralar bolupmu kömür we yémek - ichmek bilen teminlinishke ihtiyaj ikenlikini bildürmekte.

Aptonom rayonluq xelq ishlar nazariti charshenbe küni ötküzgen axbarat élan qilish yighinida, tengri téghining jenubiy we shimalida " apetke uchrighan texminen 835 ming amma ashliqqa, 800 minggha yéqin amma kiyim - kéchek yotqan - körpige, yene bir qisim amma turalghulirini qayta qurush we yéqilghu mesilisini hel qilishqa jiddiy ihtiyajliq boliwatidu " dep élan qildi.

Xitay metbu'atlirining xewer qilishiche, da'iriler aptonom rayon boyiche emeldarlar we puqralar arisida pul we maddiy buyumlar i'ane qilish seperwerliki élip barghan.

Uyghur aptonom rayoni ötken yildin béri éghir teb'iy apetlerge uchridi. Uyghur aptonom rayonining re'isi ismayil tiliwaldi ilgiri béyjingda aptonom rayon boyiche apet rayonidiki puqralarning turalghu jay, yéqilghu we asasi turmush éhtiyajliri partiye we hökümetning " ghemxorluqi" astida hel qilin'ghanliqini jakarlighan. Emma xelq ishlar nazariti aptonom rayon boyiche bir milyon 635 ming puqraning bu yil qishni ötküzüsh üchün yimek - ichmek, yotqan - körpe, yéqilghu we turalghu jay qatarliq asasiy turmush buyumlirigha éhtiyaj ikenlikini bildürmekte. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.