Namrat Uyghur we tibet baliliri oqushsiz qalmaqta


2005-11-10
Share

Amérika birleshme axbarat agéntliqining xewer qilishiche, namrat Uyghur we tibet baliliri toqquz yilliq mejburiy ma'arip axirlishishtin burunla mekteptin chüshüp qélip oqushsiz we sawatsiz qalmaqta.

Xewerge qarighanda, xitay hökümiti yéqinqi yillardin buyan dölet miqyasida sawatsizliqni azaytip, 90% ahalisini sawatliq qilghan. Emma 2004 - yili az sanliq milletler jaylashqan nahiyilerning aran 67 % i sawatsizliqni asasen tügetken yaki toqquz yilliq ma'aripni ijra qilalighan. Bu pütün döletning 93.6% Otturiche sewiyisige sélishturghanda xélila arqida turidu.

Mejburiy ma'aripni ijra qilishta arqida qalghan köpligen nahiyiler bolsa asasen Uyghur éli we tibette.

Amérika birleshme axbarat agéntliqining bildürüshiche, xitay hökümitining iqtisadiy islahat élip barghan 20 nechche yildin buyan, yéza ma'aripi we ijtima'iy mulazimetlerge ajratqan meblighi barghansiri azlimaqta.

B d t ning ma'aripqa mes'ul emeldari ilgiri xitay hökümitining ma'aripqa ajratqan meblighining dölet omumiy daramitining aran 2% ini igileydighanliqini körsitip, xitayning dunyada mejburiy ma'aripqa eng az pul ajritidighan döletler qatarigha kiridighanliqini bildürgen idi. (Arzu)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet