Келәр йилдин башлап уйғур елидики барлиқ али мәктәпләрдә дәрсләр пүтүнләй хитайчә өтүлмәкчи


2004-11-29
Share

Уйғур аптонум райони һөкүмәт тор бетидин ашкарилинишичә, уйғур аптонум районлуқ парткоми уйғур ели маарипини хитайчилаштуруш қәдимини йәниму тезлитиш мәқситидә йеқинда, келәр йилидин башлап уйғур елидики барлиқ алий мәктәпләрдә дәрсликләрни пүтүнләй хитайчә оқутушни қарар қилған.

Хитай коммунистик партийә һөкүмитиниң бу қарари бойичә, уйғур ели ичидики барлиқ алий мәктәпләрдә пәқәт аз санлиқ милләт тил әдәбияти кәспидин башқа барлиқ асасий һәм кәспи дәрсләр хитайчә өтилиду, дәп бекитилгән икән.

Хитай һөкүмити алий мәктәп дәрсликлирини хитайчилаштурушни әң бурун 2002 - йили шинҗаң унивәрситетидин башлиған иди. Нөвәттә хитай һөкүмити бу алий маарипни хитайчилаштуруш пиланиниң тәйярлиқ басқучлирини асасий җәһәттин тамамлиған болуп, барлиқ алий мәктәпләрдики хитай болмиған оқутқучиларни хитай тилида дәрс өтүш тәлипигә йәткүзүш үчүн мәхсус хитай тили курслирида тәрбийилимәктә икән.

Уйғур елидин радиомизға кәлгән инкасларға қариғанда, хитайчилаштуруш маарипиниң болупму миллий оқутқучи вә маарипчиларға зәрбә елип келиватқан болуп, нурғун оқутқучилар "хитай тилида дәрс өтәлмәйду" дигән баһанә билән маарип сепидин айрилмақта икән. (Гүлчеһрә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт