Wang léchüen "bölgünchilikke qarshi turush"ni tekitlidi


2006.01.04
Share on WhatsApp
Share on WhatsApp

Xitay merkiziy siyasiy biyurosining ezasi, Uyghur aptonom rayonining partkom sékritari wang léchüen yéngi yil munasiwiti bilen qeshqer we qizilsugha qilghan ziyaritide "bölgünchilikke qarshi turush" ni tekitlidi.

Wang léchüen bu sepiride, qeshqer wilayiti we qizilsu qirghiz aptonom oblastidiki her qaysi rehber we kadirlar bilen körüshüp, bu ikki rayonning xitayning "bölgünchilikke qarshi" kürishidiki ikki muhim aldinqi sep ikenlikini, shunga her qaysi derijilik partiye-hökümet xadimlirining "bölgünchilikke qarshi turush" xizmitini ching tutushi kéreklikini bildürdi.

Wang léchüen sözide yene, bu rayonlarning "bölgünchilikke qarshi turush" xizmitide bixestelik qilishqa yaki boshishishqa qet'iy bolmaydighanliqini tekitlidi. "Jenubiy shinjangning muqimliqini kapaletke ige qilish‏- bizning muhim wezipilirimizni biri" dédi wang léchüen.

Wang léchüen yéngi yil munasiwiti bilen Uyghur élining bir qisim rayonlirini ziyaret qilghan bolup, Uyghur aptonom rayonining mu'awin re'isi nurlan abilmejinmu uning bilen birge kelgen.(Peride)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.