Ғулҗа дөңмазарда 40 йиллиқ партийә әзаси, 30 йиллиқ аяллар мудири, 73 яшлиқ руқийә осман 17 йиллиқ кесиветилгән

Мухбиримиз шөһрәт һошур
2020-12-16
Share
Ғулҗа дөңмазарда 40 йиллиқ партийә әзаси, 30 йиллиқ аяллар мудири, 73 яшлиқ руқийә осман 17 йиллиқ кесиветилгән Әтрапи сим тор вә қораллиқ әскәрләр билән қоршалған "тәрбийәләш лагери".
Social Media

Яш-қери айримаслиқ, өтмүшидики төһписи билән һесаплашмаслиқ пәқәтла хаталиқини тартип ачиқиш-уйғур районида йеқинқи 4 йилда давам қилған кәң көләмлик тутқун һәрикитиниң хаслиқлиридин биридур. Ғулҗа наһийә дөңмазар базирида 40 йиллиқ партийә әзаси 73 яшлиқ руқийә осман 17 йиллиқ кесиветилгән. Хитай соти сабиқ аяллар мудири руқийә османниң 30 йиллиқ хизмәт тарихидики төһпилирини нәзәргә алмиған, униң пәқәт бир қетимлиқ тәблиғқә қатнишип қалғанлиқини униң тәқдирини бәлгиләш үчүн өлчәм қилған

Вәзийәттин хәвәрдар кишиләрниң баян қилишичә, ғулҗа наһийәсиниң дөңмазар базирида 30 йил кәнт аяллар мудири болуп актип хизмәт ишлигән руқийә осман, хизмәт җәрянида пиланлиқ туғутқа әмәл қилмай қалған көп санда кишиләрни сорақ қилған. Һамилидар аялларни бала чүшүрүш оператсийәси үчүн дохтурханиларға ялап елип барған. Муқимлиққа аит көп сандики аталмиш "җинайәт йип учлири" ни юқири дәриҗилик алақидар органларға мәлум қилған. У бу қилғанлири үчүн йеза, наһийә вә вилайәт тәрипидин көп қетимлап мукапатларға еришкән. Әмма 2017‏-йилиға кәлгәндә уму мәһәлләдашлири қатарида хитай дөләт бихтәрлик күчлириниң төмүр орундуқиға олтурғузулуп сорақ қилинған. Сорақта 10 йил аввал қатнашқан бир қетимлиқ өлүм мурасимида тәблиғ аңлап қалғанлиқи үчүн "һесаб" бәргән. Ғулҗа наһийәсидики алақидар хадимлар, руқийә осман һәққидә гәп ечиштин өзини таррти. Инкас қилинишичә, шу чағда 73 яшлиқ руқийә осман сорақ җәрянида өзиниң 30 йилдин артуқ партийә вә һөкүмәткә қилған хизмәтлирини оттуриға қойған; дөвә-дөвә гуваһнамилирини көрсәткән; әмма сорақта һечким бу пакитларға пәрва қилмиған. У йәнила бешиға қара халта кәйдүрүлүп сорақаханидин қамақханиға елип кетилгән.

Ғулҗа наһийәсидики бир сақчихана башлиқи руқийә османниң делосини сиясий қанунға мәсул секритарниңла җаваб берәләйдиғанлиқини ейтти. Биз бу сақчихана башлиқи тәминлигән телефон номуриға асасән әһвалдин хәвәрдар сиясий-қанун хадимидин мәлумат соридуқ. У дөңмазар базиридин тутулғанлар арисида руқийә осман исимлик бири барлиқини дәлиллиди.

Инкасчиниң баянлиридин мәлум болушичә, руқийә османиккинчи қетимлиқ сорақта шу күнки өлүм мурасимиға пайлақчилиқ үчүн барғанлиқини билдүрүп, "диний әсәбий" ләрдин чегра айрип баққан болсиму, сақчилар буниңға ишәнмигән. Әксичә бу тәблиғни әйни вақитта доклат қилмиғанлиқи үчүн, бу сөзлири униң бешиға "җинайәтчини қанат астиға елиш" тин ибарәт техиму чоң бир қалпақниң кийилишигә сәвәб болған вә йезилиқ қамақханидин наһийәлик қамақханиға йөткәлгән.

Руқийә осман наһийәдики сорақта у шу тәблиғғә қатнашқан йилларда тәблиғниң чәкләнмигәнликини тәкитлигән вә тәблиғдә зиянлиқ бир мәзмунни байқимиғанлиқи үчүн доклат қилмиғанлиқини баян қилип, өзини ақлиған. Әмма сорақ нөвити башқиларға йөткилип, бешиға қара халта кәйдүрүлгән һалаттә қамақханиға йөткәлгән.

Инкас қилинишичә, 2017-йили 6-айда тутуп кетилгән руқийә осман, қамақтики 2 йиллиқ һаятида бир күни бирлири келип уқушмаслиқ болғанлиқини билдүрүп қолидики койзини чиқириветишини күтүп ятқан. 2019-Йилиниң оттурилиридасотқа тартилип, 17 йиллиқ кесиветилишини пәрәз қилмиған. 50 Йиллиқ партийә әзаси руқийә осман ғулҗа шәһирики байкүл түрмисидә җаза муддитини өтимәктә.

Хәвәр архиплиримиздин көрүлүшичә, хитай даирилири 2017-йили корлада сабиқ нәмуничи секретар зиявудун чоруқни 82 йешида тутқун қилған. Турпан чатқалда 30 йиллиқ сақчихана башлиқи һәбибулла абдулниму 80 йешида лагерға әкәткән иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт