Xitay da'iriliri Uyghur élidiki yéza-kentlerge 1486 "Sotchi xizmet ishxanisi" qurup chiqqan

Muxbirimiz erkin
2021-01-18
Share
Xitay da'iriliri Uyghur élidiki yéza-kentlerge 1486 Norwégiyediki "Uyghur edliye arxipi" bayqighan aqsu shehiridiki lagérning we uning yénidiki jeset köydürüsh ornining sün'iy hemrahidin tartilghan süriti. 2020-Yili noyabir.
Social Media

Xitay da'irilirining yéqinqi 10 ay ichide Uyghur élidiki her qaysi yéza-kentlerge 1486 sotchi xizmet ishxanisi qurup chiqqanliqi melum boldi. Xitay da'irilirining ilgiri sürüshiche, bu sotchi xizmet ishxanilirining wezipisi neq meydanda mulazimet qilip, yer igidarchiliq hoquqi, a'ile majrasi, shexsiy qerz ixtilapi dégendek mesililerni bir terep qilish iken. Biraq közetküchiler, bu tedbir xitayning 2017-yilidiki chong tutquni bilen teng bashlan'ghan Uyghurlarni keng kölemlik basturush herkitining bir parchisi ikenlikini bildürmekte.

Ularning qarishiche, rayondiki sot mehkimiliri chong tutqunda lagér we türmilerge qamalghan milyonlighan Uyghurni bir terep qilish bilen aldirash bolup, yer igidarchilqi hoquqi, a'ile majrasi, shexsiy qerz ixtilapigha oxshash adettiki heq-telep délolirini yéza-kentlerde kontrol qilip, resmiy sot mehkimilirining diqqitini lagér, türmilerdiki tutqunlargha merkezleshtürüshige qolayliq yaritip bérish iken.

Xitay hökümiti Uyghur élidiki her bir yéza-bazargha az dégende birdin "Qolayliq mulazimet nuqtisi" yaki "Sotchi xizmet ishxanisi" qurushni 2020-yili 3-ayda bashlighan. "Shinjang géziti" ning 18-yanwardiki xewiride ashkarilishiche, nöwette Uyghur élidiki her qaysi yéza-kentlerde jem'iy 1486 orunda "Qolayliq mulazimet nuqtisi" yaki "Sotchi xizmet ishxanisi" qurulup bolghan. Xewerde niye nahiyesidiki 7 yéza-bazar we bir ahalilar bashqarmisi, cherchen nahiyesidiki 13 yéza-bazarning hemmiside bu xil orunlarning qurulup bolghanliqi bildürülgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet