Chaqiliqtiki saqchi xadimi: "Chaqiliqta lagér yoq, lagérdikiler korladiki türmige we ichkiri ölkilerge yötkeldi"

Muxbirimiz shöhret hoshur
2020-03-13
Élxet
Pikir
Share
Print
Yéqinda ijtima'iy taratqularda tarqalghan korla teweside bir türküm mehbuslarning yaki mehbus siyaqidiki kishilerning bir jaydin yene bir jaygha yötkiliwatqanliqi heqqidiki körünüsh. 2020-Yili mart.
Yéqinda ijtima'iy taratqularda tarqalghan korla teweside bir türküm mehbuslarning yaki mehbus siyaqidiki kishilerning bir jaydin yene bir jaygha yötkiliwatqanliqi heqqidiki körünüsh. 2020-Yili mart.
Social Media

Yéqinqi mezgillerde ijtima'iy taratqularda korla teweside bir türküm mehbuslarning yaki mehbus siyaqidiki kishilerning bir jaydin yene bir jaygha yötkiliwatqanliqi heqqide sin körünüshliri tarqaldi. Muxbirimizning bu heqtiki éniqlashliri dawamida chaqiliq nahiyesidiki bir saqchi xadimi bu nahiyede nöwette lagér yoqluqi, lagérdikilerning korladiki ulughköl türmisige we xitay ölkilirige yetkelgenlikini ilgiri sürdi.

Ötken yili awstraliyediki bir tetqiqat orni korla poyiz istansisigha a'it bolghan bir süretni tarqatqan idi. Uchquchisiz ayropilan arqiliq tartilghan bu sürette chachliri chüshüriwétilgen, put-qoli kishenlen'gen halette zongzaytip olturghuzulghan we her biri ikkidin saqchi teripidin yalan'ghan 500-600 che mehbusning yötkep méngilghanliqi körsitilgen idi. 

Tetqiqatchilar bularning Uyghur mehbuslar ikenlikini mu'eyyenleshtürgen bolsimu, emma ularning nedin nege yötkiliwatqanliqi éniq melum bolmighan, peqet sürettiki bezi yip uchlirigha asasen ularning qeshqerdin yötkelgenliki perez qilin'ghan idi. 

Tönügün tik-tok torida tarqalghan bir uchurda yene bayin'gholin oblastigha a'it lozunkilar ésilghan bir meydanda oxshash kiyin'gen nechche minglighan kishining maska taqighan halette tizilip turghan körünishi we ularning yük-taqlirini kötürüp aptobuslargha chiqiwatqan haliti xewer qilindi. Muhajirettiki Uyghur közetküchiler bu körünüshlerdiki kishilerning türme yaki fabrikalargha yötkiliwatqan lagér tutqunliri bolush éhtimalliqini perez qilishmaqta. 

Xitay da'iriliri ötken yili nechche qétimlap lagérlarning taqalghanliqi heqqide mezmuni bir-birige zit bayanatlarni élan qilghan hem lagérning taqalghanliqigha a'it qana'etlinerlik delillerni körsitip bérelmigen idi. Yéqinda korla weziyettin xewerdar kishilerdin biri

Bayin'gholin oblastida ötken yildin bashlap bezi nahiyelerdiki bir qisim lagér tutqunlirigha jaza késilgenliki, ularni türme we we fabrikalargha yötkigedin bashqa, qalghan qismini korladiki yéngidin pütken zor hejimdiki yighiwélish lagérigha toplighanliqini melum qildi. U yene da'irilerning buni "Kespiy terbiye mu'esselirini sistémilashturush we mukemmelleshtürüsh" dep atighanliqini ilgiri sürdi

Yéqinda téléfonimizni qobul qilghan chaqiliq nahiyesidiki bir saqchi xadimi chaqiliqta nöwette héchqandaq bir lagér yoqluqini ilgiri sürdi. U lagérdiki tutqunlarning bir qismining korla bilen bügür arisidiki ulughköl türmisige, yene bir qismining xitay ölkilirige yötkelgenlikini ashkarilidi. U chaqiliqtiki lagér tutqunlirining 2018‏-yili 11‏-ay, 2019‏-yili 4-ay we 7‏-ay bolup, jem'iy üch qétimda yötkelgenlikini tilgha aldi, emma ularning xitay ölkilirige néme üchün yötkelgenliki, ularning nöwette türmide yaki fabrikada ikenliki heqqide melumat bermidi. U yene bu melumatlarning "Dölet mexpiyetliki" ikenlikini isharetlidi. 

Chaqiliqta lagérning taqalghanliqini ilgiri sürgen bu xadim lagérning éniq qachan taqalghanliqi heqqide melumat bérishkimu özining hoquqi yetmeydighanliqini eskertti. 

Hörmetlik radiyo anglighuchilar, weziyettin xewerdar kishi korlada échiwétish rayonida yanmu-yan sélin'ghan lagérlardin bir qanchisining wiwiskisining türmige özgertilgenlikini tilgha aldi. Emma bu uchur resmiy xadimlar teripidin téxi delillenmidi. Aldinqi yili korlaning échiwétish rayonida 4 orunda lagér barliqi ashkarilan'ghan idi.

Toluq bet