Xitayning "Wirus krizisidin kéyin normallashqan" liqining yalghan ikenliki melum

Muxbirimiz jüme
2020-03-15
Élxet
Pikir
Share
Print
Wuxendiki jinyinti'an doxturxanisigha toshup kélin'gen "Wuxen wirusi" bilen yuqumlan'ghanlar. 2020-Yili 21-yanwar. Wuxen.
Wuxendiki jinyinti'an doxturxanisigha toshup kélin'gen "Wuxen wirusi" bilen yuqumlan'ghanlar. 2020-Yili 21-yanwar. Wuxen.
Social Media

Jéjyang ölkisi 24-féwral ishlepchiqirishning 98. 6 Pirsent eslige keltürgenlikini xewer qilghan. Halbuki, "Seyshin" torigha uchur yetküzgen yerlik hökümet xadimliri bu sanliq melumatlarning saxta ikenlikini éytqan.

Béyjing terep jéjyangdiki soda-sahesining tok ishlitish miqdarini közitishke bashlighandin kéyin, yerlik rehberler tok serpiyatini yuqiri körsitish üchün chiraghlarning hemmisini yéqip qoyush, sana'et mashina üskünilirining hemmisini da'im mangdurup qoyush heqqide buyruq chüshürgen.

Uningdin bashqa sana'et orunliri xizmetchilerning yoqlimisighimu saxtiliq ishlitip, uni xuddi hemime adem ishqa kelgendek qilip yasap chiqqan.

Merkezdin kelgen rehberler wuxendiki dézinféksiye we tamaq yetküzush méxanizmini közdin kechürgende, yerlik hökümet xadimliri pütün diqqitini ulargha merkezleshtürgen.

Nöwette "Korona wirusi" dep atiliwatqan tajsiman yuqumluq nepes yoli wirusi eng deslep xubéyning wuxen shehiride bayqalghan. Bu wirus shundin kéyin pütün dunya miqyasigha yamrighan we yekshenbe künige qeder eng az dégende 168 ming ademni yuqumlandurghan we 6 ming 492 ademning jénigha zamin bolghan idi.

Xitay re'isi shi jinping yéqinda wuxen shehirini ziyaret qilghan. Bezi xewerlerde uning bu arqiliq wirus wehimisi yoqap, normal turmush tertipining eslige kelgenlikini körsetmekchi bolghanliqi ilgiri sürülgen.

Nöwette bu wirus xitaydin bashqa iran, italiye we jenubiy koréye qatarliq ellerde bir qeder éghir krizis yaratqan. 

Amérika hökümitimu jüme küni kechqurun jiddiy halet élan qilip, wirus krizisigha taqabil turush herikitini bashlighan idi.

Toluq bet