Birleshken döletler teshkilati eydiz heqqide yéngi melumat élan qildi


2006.11.21
Share on WhatsApp
Share on WhatsApp

Birleshken döletler teshkilati teripidin élan qilin'ghan eng yéngi melumatta körsitilishiche, ötken ikki yil ichide, eydiz késilige giriptar bolghuchilar sani dunyaning herqaysi jaylirida dégidek köpeygen bolup omumiy san 40 milyondin ashqan.

Birleshken döletler teshkilati élan qilghan bu doklatta xitaydiki eydiz mesilisi alahide tekitlen'gen bolup, "xitayda hazir zeherlik chékimlikni okul qilip urush mesilisi intayin éghir haletke yetken bolup, bu xil ehwal mezkur jaydiki eydiz késilining tarqilish sür'itini téximu tizleshtürgen" dep körsitilgen.

Mezkur doklatta éytilishiche, hazir eydiz kisilige giriptar bolghuchilar xitayning hemmila ölkiside mewjut bolup, asasen Uyghur éli, xénen, yünnen, gu'angshi we gu'angdung qatarliq jaylargha merkezleshken iken.

Birleshken döletler teshkilati élan qilghan bu doklatta yene "xitaydiki eydiz késilige giriptar bolghuchilarning yérimidin köp sandikisi jinsiy munasiwette qoghdash tedbiri qollanmighan hemde yuqumlan'ghan ayallar sani ilgirikidin köpeygen" dep bildürülgen. (Méhriban)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.