Б д т ниң кишилик һоқуқ тәкшүрүш өмики гүәнтанамони зиярәт қилишни рәт қилди


2005-11-01
Share

Б д т ниң кишилик һоқуқ ишлири бойичә тәкшүрүш өмики гүәнтанамодики мәһбуслар ‎билән әркин учришишқа йол қоюлмиғичә, гүәнтанамодики мәһбуслар базисида ‎тәкшүрүш елип беришни рәт қилди. Тәкшүрүш өмикиниң әзаси манфред новак, әгәр ‎мәһбуслар билән сөһбәт өткүзүшкә болмиса, тәкшүрүш вәзиписини орундиғили болмайду, ‎дәп тәкитлигән. ‎

Буниң алдида америка, б д т кишилик һоқуқ тәкшүрүш өмикиниң гүәнтанамода ‎тәкшүрүш елип беришиға йол қоюдиғанлиқини елан қилған. Бирақ америка һәрбий ‎даирилири, қизил крест җәмийитила гүәнтәнамодики гуманлиқ терорчиларни зиярәт қилишқа ‎һоқуқлуқ, дәп қаримақта. Уларниң әскәртишичә, бу кишиләр қораллиқ тоқунуш җәрянида ‎әсиргә елинған. ‎

Америка дөләт мудапиә министирлики өткән һәптә б д т тәкшүрүш өмикини базида ‎тәкшүрүш елип беришқа тәклип қилған. Америка дөләт мудапиә министирликиниң ‎әскәртишичә, б д т хадимлирини тәкшүрүш елип беришкә тәклип қилиш, америкиниң ‎‎"йошуридиған нәрсә йоқ икәнликини" ни билдүрүш икән. ‎

Гүәнтанамо базисида һазир 500 дин артуқ мәһбус тутуп турулмақта. Уларниң көпчилики ‎афғанистанда әсиргә елинған. Игиллишимизчә, тутқунлар ичидики бәзи уйғурлар бир ‎қанчә айниң алдида база сиртидики бир қәдәр әркин районға йөткиветилгән. (Әркин)‎

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт