Shi jinping shénjénda sözligen nutqi jeryanida qayta-qayta yötilip, sözini dawam qilishta qiynalghan

Muxbirimiz jüme
2020.10.18
Share on WhatsApp
Share on WhatsApp
Xijinping-Yotel.jpg Shi jinping shénjénda sözligen nutqi jeryanida qayta-qayta yötilip, sözini dawam qilishta qiynalghan.
Social Media

“Xewer heptiliki” zhurnilining xewer qilishiche, xitay kompartiyesi sékrétari shi jinping charshenbe küni shénjénda sözligen nutqi jeryanida bir nechche qétim yötilip ketken, xitay döletlik téléwiziyesi neq meydandin süretke éliwatqan apparatni shi jinpingdin yötkep bashqa körünüshlerni élishqa mejbur bolghan.

Xewerge qarighanda, shi jinping shénjén alahide tereqqiyat rayoni tesis qilin'ghanliqining 40 yilliqi munasiwiti bilen chaqirilghan yighinda 50 minuttin artuq sözligen we sözining axirigha kelgende qayta-qayta yötilip sözini dawam qilishta qiynalghan. 

Bu heqtiki xewerler xongkongdin chiqidighan “Alma” kündilik xewerler gézitidimu bérilgen. Xewerde, téléwizor körünüshliride shi jinpingning yötilip kétip su ichkenliki körsitilgen. 

Xewerge qarighanda, yighinni neq meydandin tarqitiwatqan xitay merkiziy téléwiziye istansisi shi jinping yötilip ketkende apparatni yighin qatnashquchilirigha yötkigen bolsimu, shi jinpingning yötelgen awazi anglinip turghan. 

Bu heqtiki xewer teywen “Yaxu xewerler tori” dimu bérilgen. Ular xewer témisida “Shi jinping qattiq yöteldi” dégen ibarilerni ishletken. 

Xewerlerge qarighanda shi jinping 50 minutluq nuqtining axirqi 7 minutluq qismida 4 qétim yötelgen. 

“Ways” xewerler torining körsitishiche, shi jinpingning yötilish hadisisi uning salametliki heqqidiki her xil guman we perezlerning otturigha chiqishigha seweb bolghan. 

S n n ning bu heqtiki xewiride körsitilishiche, shi jinpingning korona wirusini bilen yuqumlinip qélish éhtimalliqi intayin yoq déyerlik bolup, uning yötilige zalning hawasi, nutuq waqtining uzun bolushi qatarliq amillar seweb bolghan bolushi mumkin iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.