Xitayning en'gliyediki elchixanisini yéngi orun'gha yötkesh pilani qarshiliqqa uchrighan

Muxbirimiz jüme
2020-10-04
Élxet
Pikir
Share
Print
Xitayning london sheher merkizidiki bash elchixanisining témigha chüshürülgen sho'arlar. 2020-Yili 12-iyul. London, en'gliye.
Xitayning london sheher merkizidiki bash elchixanisining témigha chüshürülgen sho'arlar. 2020-Yili 12-iyul. London, en'gliye.
Social Media

Xitayning en'gliyediki bash elchixanisini yéngi orun'gha yötkesh pilani elchixana köchürülidighan rayonluq kéngesh ezaliri we yerlik puqralarning birdek qarshiliqigha uchrighan.

S n n ning xewer qilishiche, xitayning londonning sheher merkizidiki bash elchixanisini 2018-yili londonning sherqiy girwikige jaylashqan xan jemeti tengge shirkitining ilgiriki binasigha yötkeydighanliqi ashkarilan'ghan.

Xan jemeti tengge shirkitining mezkur binasi 1805-yili yasalghan iken. Xewerde körsitishiche, mezkur binaning keynidiki mehellidikilerdiki her 10 kishining 4 nepiri musulman bolup, ular xitay Uyghurlargha qaratqan zulumlirigha xatime bermigüche uning elchixanisining bu yerde qarshi élinmaydighanliqini bildürüshken. 

Xitayning 1.8 Milyondin 3 milyon'ghiche Uyghur we bashqa türkiy musulmanlarni yighiwélish lagérlirigha tashlighanliqi otturigha chiqqandin kéyin, amérika bashliq gherb elliri xitayning mezkur siyasitige küchlük qarshiliq bildürgen we xitayni mezkur lagérlarni taqap, bigunah tutqunlarni derhal qoyup bérishke chaqirip kelgen. 

Xitayning Uyghurlargha qaratqan lagér, mejburiy bala chüshürüsh, mejburiy tughmas qilish, tughut nisbitini töwenlitish qatarliq basturush siyasetliri barghanche köpligen delil-ispatlar bilen ashkarilinishqa bashlighandin kéyin, en'gliye siyasiyonliri we puqraliri arisida xitaygha bolghan naraziliq sadaliri ulghiyishqa bashlighan idi.

Xewerde neqil qilishiche, xitay elchixanisini köchürüshni pilan qiliwatqan rayondiki bir musulman jama'itining aktip ezasi mo rabik xitayning bundaq köp dinliq we musulmanlar köp salmaqni igileydighan bir mehellige köchmekchi bolghanliqidin heyran qalghanliqini éytqan.

Bu rayonning bashliqi jon biggs xitay elchixanisining köchürülüshini qollaydighanliqini bildürgen bolsimu, rayonning kéngesh ezaliridin rabina xan kéngeshte bir jiddiy chaqiriq tonushturup, buninggha naraziliq bildürgen. 
Chaqiriqta kéngesh ezaliri en'gliyediki xitay elchisi lyu shawminggha mektup yollap xitayning Uyghurlargha qaratqan basturush siyasetliridin endishilen'genlikini bildürüsh telep qilin'ghan. 
U mundaq dégen: "Bizning qilmaqchi bolghinimiz xitaygha inkas yollash, eger ular bu yerge köchüp kelse, shuni bilishi kérekki, rayonimiz kishilik hoquqni qoghdash tirishchanliqliridin intayin pexirlinidighan jay."

Toluq bet