Хитай компартийәсиниң қорқутуп идарә қилиш тактикисиниң дуня вә хитай хәлқини хәтәргә иттириватқанлиқи билдүрүлди

Мухбиримиз җүмә
2020-04-12
Share
Bitter-Winter-Open-Letter-20200411.png 100 Нәпәр нопузлуқ хитай тәтқиқатчилири тәрипидин зимистан торида елан қилинған хитай компартийисәниң хәтири һәққидики имзалиқ очуқ хәт. 2020-Йили 11-апрел.
bitterwinter.org

Дуняниң һәр қайси җайлиридики 100 нәпәр нопузлуқ хитай тәтқиқатчилири очуқ хәт елан қилип, хитай компартийәсиниң қорқутуп идарә қилиш тактикисиниң дуня вә хитай хәлқини хәтәргә иттириватқанлиқини билдүргән.

Хәттә мундақ дейилгән: "хитай хәлқи вә дөләт ичи-сиртидики хитайниң достлири, нөвәттики дуняви кризис силәр көпинчиңлар йиллардин бери қоллап вә чидап кәлгән реҗим тәрипидин пәйда қилинди."

Очуқ хәттә хитайниң нөвәттики хитай сияситини әйиблигән мустәқил тәтқиқатчи профессор шу җаруңни тутқун қилғанлиқи, дуняви вабаниң мәнбәси хубей вухәндики хитай компартийә һакимийити тәрипидин бастуруп қоюлғанлиқи, дуня сәһийә тәшкилатиниң хитай компартийәсиниң тәсири астида юқум хәтирини төвән қилип көрсәткәнлики баян қилинған.

Хәттә хитай хәлқ җумһурийитиниң һәммәйләнни хәтәргә иттәргәнлики вә хитай компартийәсиниң сиясәтлирини қарар қоюқ қоллашқа болмайдиғанлиқи көрситилгән.

Хәттә мундақ дейилгән: "хитай компартийәсиниң муддиаси вә һөкүмәткә қарашлиқ тәтқиқатчиларниң бир партийәлик бу дөләтниң сиясәтлирини тәнқидсиз тәстиқлашлирини қобул қилишниң орниға, биз хитайда ‹бирәсмий' дәп қарилидиғанларниң садасиға етибар берилишидә рол ойниялаймиз. Бу һөкүмәткә бағланмиған тәтқиқатчилар, дохтурлар, санаәтчиләр, пуқралар, мухбирлар, хәлқпәрвәр адвокатлар вә яш оқуғучилар хитай компартийәсиниң қорқутуп башқурушини қобул қилмаслиқи керәк. Силәрму һәм шундақ."

Улар хетидә йәнә хитай компартийәси җимиқтурған бир қисим дохтур, адвокат вә профессорларниң намини тилған елип "уларниң әркин вә очуқ хитай үчүн өз һөрлүки вә һаятини тәқдим әткән шеһитлар" икәнликини баян қилған.

Хәткә дунядики нопузлуқ профессор, диний зат, тәтқиқатчи вә кишилик һоқуқ паалийәтчилири қатарида дуня уйғур қурултийи тәтқиқатчиси рәһимә мәхмутму имза қойған.

Имзалиқ очуқ хәт 12-апрел зимистан торида инглизчә вә хитайчә икки хил тилда елан қилинған.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт