Xitay milletchiliki dunya sehniside qalaymiqanchiliq tughdurmaqta iken

Muxbirimiz jüme
2020-04-26
Élxet
Pikir
Share
Print
Xitayning teshwiqat apparati bolghan CGTN qanili "StillNoInfo#" herikitini qarilashqa urunmaqta.
Xitayning teshwiqat apparati bolghan CGTN qanili "StillNoInfo#" herikitini qarilashqa urunmaqta.
Social Media

Xitay kompartiyesi teshebbus qiliwatqan xitay milletchiliki xitay ichide aqqan bilen dunya sehniside qalaymiqanchiliq tughdurmaqta iken.

"Jenubiy xitay seher géziti" ning xewer qilishiche, milletchilik xitay kompartiyesining özini qanunluq hakimiyet qilip körsitish istratégiyesining négizlik qismi bolsimu, emma közetküchiler buningdin xitayning dunyawi obrazigha zexmet yetküzidighanliqini éytqan.

Xewerde neqil qilishiche, bu heqte toxtalghan gollandiyediki "Leydin asiya tetqiqat merkizi" ning diréktori floriyan shnaydér, eger dunyada xitaygha qarshi héssiyat kücheyse buning xitayning "Bir yol bir belwagh pilani" ni rélistin chiqiriwétidighanliqini éytqan. 

U mundaq dégen: "Meyli wiyétnam yaki qazaqistan bolsun eger xitayning kompyutér kunupka taxtisi jengchiliri u döletning puqralirining chishigha tégiwéridighan bolsa, u hökümetler xitay bilen hemkarlishishni aqlashta qéyin ehwalgha chüshüp qalidu."

Xewerge qarighanda, xitaydiki 854 milyon abunti bar "Ündidar", "QQ" we "Wybo" qatarliq ijtima'iy médiya munberliri "Xitay merkezchiliki" idiyeliri keng bazar tapidighan orunlar iken.

Bular iqtisadiy menpe'etni dep milletchilik tüsidiki saxta xewerlernimu kop tarqitidiken.

Bu heqte toxtalghan chingxu'a uniwérsitétning sabiq proféssori wu chyang ijtima'iy médiyada tarqiliwatqan "Xitay merkezchiliki" uchurlirining kona zamanlardiki "Xitay dunyaning merkizi" deydighan uqumlarni eslitidighanliqi, emma buning xelq'ara jem'iyetni ensiritidighan we bi'aram qilidighan amil hésablinidighanliqini bildürgen. 

Korona wirusi wehimisi dunyani qaplighan mezgilde irqiy kemsitish xahishliri xitayda téximu qattiq ewj élishqa bashlighan idi.

Toluq bet