Хитай һөкүмити җәнуб һава йоллири ширкитигә террорчилиқниң алдини алди, дәп мукапат бәрди


2008.03.26
Share on WhatsApp
Share on WhatsApp

Хитай һөкүмити җәнуб һава йоллири ширкитиниң кз6901 бәлгилик йолучи айрупилан гурупписиға 'йәттинчи март күни үрүмчидин бейҗиңға учқан айрупиланда террорчилиқ һуҗуминиң алдини алди' дәп 400 миң юән мукапат бәрди.

Бирләшмә агентлиқиниң баян қилишичә, хитай коммунист партийисиниң әмәлдари ваң лечуән шу қетимқи айрупилан ләнҗуда тохтап өткән вәқәни 'шәрқий түркстан мустәқилчилириниң мувәппәқийәт қазиналмиған террорчилиқ һәрикити'дәп қайтидин тилға алған.

Хоңкоңда чиқидиған миңпав гезитиниң баян қилишичә, 7 ‏- март күнидики айрупилан вәқәсини 19 яшлиқ, кучарлиқ уйғур қиз пәйда қилған. У қиз айрупиланға елип чиққан ичимлик қутусиға бенизин қачилап, бенизин пуриқини әтрә билән йоқитишқа тиришқан, әмма айрупилан хадимлири бу қизни дәрһал тутуп, униң айрупиланни партлитишиниң алдини алған икән. (Вәли)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.