Һиндистан вә хитай қәдимий йипәк йолида қайта сода башлаш пиланини кечиктүрди


2005.09.28

Һиндистан билән хитай қәдимий йипәк йолида қайта сода башлаш пиланини кечиктүргәнликини елан қилди. Һиндистан әмәлдарлириниң чаршәнбә күни билдүришичә, хитай тәрәптики сода әслиһәлири пүтмигәнлики үчүн, икки тәрәп чеграда сода башлаш пиланини кечиктүргән.

Франсийә ахбарат агентлиқиниң хәвиригә қариғанда, һиндистан билән хитай әслидә секким өлкиси вә тибәт райони арисидики насу лавас еғизини 2 - өктәбир күни ачмақчи иди. Һиндистан даирилириниң билдүришичә, икки тәрәп арисидики сода киләр йили 4 - айларда башлиниши мумкин икән.

Насу лавас сода еғизи, һиндистан вә хитай 1962 - йили чегра мәсилилири бойичә тоқунушиштин бурун, икки дөләтниң асаслиқ сода еғизи болуп, у йәнә қәдимий йипәк йолидики муһим түгүнләрниң бири иди. Бирақ уруштин кийин, бу еғиз итилип кәткән.

Хитай билән һиндистан мунасивитиниң юмшишиға әгишип, икки дөләт арисидики сода алақиму күчәймәктә. (Арзу)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.