Xitay gherb metbu'atlirining tenqidige inkas qayturdi


2007.01.16

16 ‏- Yanwar üni, tengritagh tor bétide béyjingda neshir qilinidighan "yer shari waqit géziti" ning muxbiri chin gangning "pamir igizlikidiki herbi - xelq hemkarliship térrorchi küchlerge zerb bériwatqanliqigha shahid boldum" dégen témidiki maqalisi bésildi.

Mezkur maqalida, 18 neper térror gumandarining xitay saqchiliri teripidin öltürülüp, 17 kishining tutulghanliqini qayta tekrarlighan bolsimu, weqe yüz bergen jaylarni yenila éniq ispatliyalmighan.

Xitay hökümiti yéqinda 18 neper térror gumandarining xitay saqchiliri teripidin öltürülüp, 17 kishining tutulghanliqini jakarlighandin kéyin, amérika, en'giliye we fransiye qatarliq gherb metbu'atlirida "öltürülgen we qolgha élin'ghan térror gumandarliri belkim kanchi yaki shexsi qural -yaraq satquchilar bolushi mumkin, shunga bu heqte chongqurlap tekshürüsh élip bérilmay turup, addiy höküm chiqirilmasliqi kérek" dégendek tenqidiy pikirler otturigha qoyulghan.

Tengritagh tor bétide élan qilin'ghan bu maqalida, gherb metbu'atlirining bu xil tenqidige qattiq inkas qayturulghan bolup, "gherb metbu'atlirining bizni bundaq eyiblesh hoquqi yoq. Ularning eyiblishi xelq'ara térrorluqqa qarshi turush weziyitige uyghun kelmeydu" dep körsitilgen.

Mezkur maqalida aptor chin'gang yene pamir igizlikidiki Uyghurlarning térrorizmgha qarshi turushta, yerlik herbiyler bilen qandaq hemkarlashqanliqini gewdilendürüshke tirishqan. (Méhriban)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.