Xitay saqchiliri Uyghurlarni térror gumandarliri dep étip öltürdi

 Saqchi terep, bu yil 1 ‏ - aydin 6 ‏ - ayghiche 5 térrorluq guruppisini bit‏ - chit qilghanliqini, térror gumandaridin 82 ini qolgha chüshürgenlikini élan qilip, urush meshiqi élip bérish ornidin 41 ni yoqatqanliqini, buningdin bashqa, bulangchilar guruhidin 51 ni we ularning ezaliridin 217 nepirini qolgha chüshürgenlikini bildürdi.

8 ‏ - Iyul küni 5 neper Uyghurni térror gumandari dep étip öltürgenliki we hujum qilish jeryanida 15 neper jinayetchini qolgha alghanliqini bildürgen saqchi tarmaqliri yene, Uyghur térrorchilarning yoluchilar ayrupilanigha hujum qilmaqchi bolghanliqi shuningdek olimpik mezgilide tenterbiyichilerni görüge almaqchi bolghan pilanlirini aldin sézip, ularni bit ‏ - chit qilghanliqini bildürgen.

Xitay hökümitining, gunahsiz Uyghur yashlirigha térror qalpiqini kiydürüp basturush élip bériwatqanliqini otturigha qoyuwatqan Uyghur kishilik hoquq teshkilatliri, Uyghurlarning térrorluq herikiti bilen héchqandaq alaqisining yoqluqini, biraq xitay hökümitining " térrorchiliqqa zerbe bérish kürishi " din paydilinip, Uyghurlargha birge jem bolup öz ‏ - ara söhbetlishish pursitinimu bermeywatqanliqini ilgiri sürdi.

Uyghur teshkilatlirining bildürüshiche, xitay saqchiliri teripidin 8 ‏ - iyul küni térror gumandari dep étip öltürülgen Uyghur yashliri, eslide bir arigha jem bolup diniy söhbet élip bériwatqan gunahsiz yashlar iken.