Xitayning Uyghur rayonidiki xewpsizlik sistémisi heqqide asasiy melumat (1)
2023.12.28

Amérikadiki Uyghur kishilik hoquq qurulushi 13-dékabir küni “Sherqiy türkistanni saqchilashturush: Uyghur rayonidiki saqchi we xewpsizlik qisimlirining xeritileshtürülüshi” serlewhilik yéngi bir doklat élan qilghanidi.
Mezkur doklatta saqchilarning oxshimighan wezipe we ayrim qomandanliq teshkili barliqi, bezilirining yerlik qatlamda, bezilirining dölet derijilik qatlamlarda ikenliki we hemmisining oxshashla xitay kompartiyesining qattiq kontrolluqida heriket qilidighanliqi isxémilashturulup körsitilgen.
Mezkur doklatning teyyarlighuchisi bén kardus ependi bu heqte ziyaritimizni qilip, Uyghur rayoni heqqidiki xewerlerde armiye, saqchi dégendek uqumlarning bir-birige ariliship kétidighanliqni bildürgenidi.
Biz bu heqte éniqraq melumatqa érishish üchün, ilgiri Uyghur rayonida resmiy “Saqchi” bolup wezipe ötigen memet (ziyaret qilin'ghuchining bixeterliki üchün texellus qollinildi) ependini bügünki söhbet pirogrammimizgha teklip qilduq.
Memet ependi xitayning saqchi sistémisi heqqide toxtilip, xitay hökümitining xelqni “Düshmen” qatarida körüp siyaset yürgüzidighanliqini tekitlidi.
Söhbitimizning tepsilatini yuqiridiki ulinishtin anglighaysiler.