Xitayning Uyghur irqiy qirghinchiliqni ret qilish üchün saxta muxbir yasap chiqqanliqi ashkarilan'ghan

Muxbirimiz memetjan jüme
2021-04-04
Share
Xitayning Uyghur irqiy qirghinchiliqni ret qilish üchün saxta muxbir yasap chiqqanliqi ashkarilan'ghan Tetqiqatchi adri'an zénzning xitayning yasap chiqqanliqi ashkarilan'ghan saxta firansuz muxbiri heqqidiki twiti. 2021-Yili 31-mart.
Social Media

Xitayning Uyghurlargha qaritilghan irqiy qirghinchiliq heqqidiki eyibleshlerge taqabil turush üchün bir saxta firansuz muxbirni yasap chiqqanliqi ashkarilan'ghan.

"Uniland" xewerler torining bildürüshiche, ötken hepte xitay igidarchiliqidiki "Xitay yershari téléwiziye tori" (CGTN) la'urén bé'a'umond dep atilidighan firansuz zhurnalist yazghan bir parche maqalini élan qilghan.

Maqalide bé'a'umond xitayning Uyghurlargha qaratqan basturushliri arqiliq "B d t irqiy qirghinchiliqqa qarshi turush ehdinamisi" diki barliq maddilargha xilapliq qilghanliqi heqqidiki eyibleshlerge reddiye bérip xitayni aqlap chiqqan.

Xewerde körsitishiche, CGTN bu firansuz zhurnalistning parizh uniwérsitétni tarix we arxé'ologiye qatarliq qosh unwan bilen tamalighanliqini, irqiy qirghinchiliq eyibleshlirini ret qilip, xitaygha bu jehette émbargo qoyghan amérika we en'gliye qatarliq ellerge qarshi turushqa bel baghlighanliqini körsetken.

Bé'a'umond özining yette yil ilgiri xitaygha köchkenlikini, ürümchide tughqanliri barliqini éytqan.

Halbuki, firansiyediki nopuzluq gézitlerdin "Lé mondé" bu heqte élip barghan tekshürüshi netijiside firansiyede muxbirliq qilghan atalmish la'urén bé'a'umond isimlik bir muxbirning mewjut emesliki ispatlan'ghan.

Xewerge qarighanda, parizhgha jaylashqan herqandaq bir xewer agéntliqida ishlesh salahiyitige érishish üchün aldi bilen axbarat kespiy boyiche magistirliq unwanigha érishken bolushi shert iken. Uningdin bashqa köpinche axbarat organlirining muxbirliri kespiy muxbirliq komitétigha tizimgha qaldurulghandin sirt, bu organ tartqan muxbirliq kinishkigha érishken bolushi kérek iken.

Emma, "Lé mondé" gézitining bu heqtiki xewiride körsitilishiche, xitayning CGTN xewer qanilini bé'a'umondning parizhdiki bir nechche axbarat orginida ishligenlikini éytqan bolsimu, firansiyediki royxet sistémida bundaq bir muxbirning ezeldin bolup baqmighanliqi ashkarilighan.

"Uniland" xewerler torida körsitishiche, bé'a'umondning söz ilitish uslubimu xitay hökümiti irqiy qirghinliq eyibleshlirige reddiye bérish üchün ishlitidighan sözlerge derijidin tashqiri oxshash iken.

Netijide "Lé mondé" géziti yuqiriqi pakitlargha asasen bu atalmish firansuz zhurnalist pütünley xitay hökümiti teripidin yasap chiqilghan saxta muxbir iken, dégen qarargha kelgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet