Хоңкоңда "уйғур кишилик һоқуқиға көңүл бөлүш гурупписи" қурулған

Мухбиримиз мәмәтҗан җүмә
2021-04-11
Share
Хоңкоңда Хоңкоңда қурулған "уйғур кишилик һоқуқиға көңүл бөлүш гурупписи" ниң фейсбук сәһиписи. 2021-Йили 9-апрел.
Photo: RFA

10-Апрел хоңкоңда "хоңкоң уйғур кишилик һоқуқиға көңүл бөлүш гурупписи" дәп атилидиған бир кишилик һоқуқ гурупписи қурулған.

Баш штаби әнглийәдики "хоңкоңни көзитиш тәшкилати" ниң хадими җоей сиюниң твиттер учриған қариғанда мәзкур гуруппа, "хоңкоң хәлқиниң диққити хитай компартийәсиниң шәрқий түркистан районида елип бериватқан вәһшийлики вә уйғурларға қаритилған зулумлириға тартиш" мәқситидә қурулған.

Тәшкилатниң фәйсбук бетигә қариғанда, тәшкилат қурулуп бир күн ичидә уйғур ели пахтилирини байқут қилиш һәрикити башлиған.

Хәлқара кәчүрүм тәшкилати хоңкоң ишханисиниң һәйәт әзаси җонсон йеуң бу һәқтики твиттер учурида бу тәшкилат башлиған уйғур райони тахтилирини байқут қилиш һәрикити тоғрисида учур бәргән.

У мундақ язған: "хоңкоң уйғур кишилик һоқуқиға көңүл бөлүш гурупписи шинҗаң пахтилирини байқут қилиш һәрикити башлиди вә мода кийим саһәсидики мәҗбурий әмгәккә шерик болғучиларни байқут қилиш чақириқи елан қилди. Биз ирқий қирғинчилиққа сәл қаримаслиқимиз вә униңға һәссә қошмаслиқимиз лазим."

У йәнә "зара" қатарлиқ даңлиқ маркиларни бу мәсилидә мәвқәсини билдүрүшкә чақирған.

Фирансийә хәлқара радийосиниң йәкшәнбә күни хәвәр қилишичә, кәлгүси бир һәптә ичидә, париж шәһәрлик әдлийә тармақлири "зара", "уникло" вә "сандро" қатарлиқ ширкәтләр үстидин сунулған шикайәткә қарап чиқидикән.

Мәлум болушичә, бир нәччә кишилик һоқуқ тәшкилатлири бирлишип юқирида тилға елинған ширкәтләрниң уйғур мәҗбурий әмгикини суйиистемал қилип йиғивелинған пахтиларни ишлитиш қилмиши үстидин әрз сунған икән.

"уникло" ширкити алдинқи күндики баянатида өз мәһсулатлириниң уйғур елидики мәҗбурий әмгәк билән ишләнмигәнликигә капаләтлик қилинидиғанлиқини билдүргән болсиму, әмма юқирида исми тилға елинған башқа даңлиқ маркилар техи бу һәқтә өз мәвқәсини ипадилимигән иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт