Xongkongda "Uyghur kishilik hoquqigha köngül bölüsh guruppisi" qurulghan

Muxbirimiz memetjan jüme
2021-04-11
Share
Xongkongda Xongkongda qurulghan "Uyghur kishilik hoquqigha köngül bölüsh guruppisi" ning féysbuk sehipisi. 2021-Yili 9-aprél.
Photo: RFA

10-Aprél xongkongda "Xongkong Uyghur kishilik hoquqigha köngül bölüsh guruppisi" dep atilidighan bir kishilik hoquq guruppisi qurulghan.

Bash shtabi en'gliyediki "Xongkongni közitish teshkilati" ning xadimi jo'éy siyuning twittér uchrighan qarighanda mezkur guruppa, "Xongkong xelqining diqqiti xitay kompartiyesining sherqiy türkistan rayonida élip bériwatqan wehshiyliki we Uyghurlargha qaritilghan zulumlirigha tartish" meqsitide qurulghan.

Teshkilatning feysbuk bétige qarighanda, teshkilat qurulup bir kün ichide Uyghur éli paxtilirini bayqut qilish herikiti bashlighan.

Xelq'ara kechürüm teshkilati xongkong ishxanisining hey'et ezasi jonson yéung bu heqtiki twittér uchurida bu teshkilat bashlighan Uyghur rayoni taxtilirini bayqut qilish herikiti toghrisida uchur bergen.

U mundaq yazghan: "Xongkong Uyghur kishilik hoquqigha köngül bölüsh guruppisi shinjang paxtilirini bayqut qilish herikiti bashlidi we moda kiyim sahesidiki mejburiy emgekke shérik bolghuchilarni bayqut qilish chaqiriqi élan qildi. Biz irqiy qirghinchiliqqa sel qarimasliqimiz we uninggha hesse qoshmasliqimiz lazim."

U yene "Zara" qatarliq dangliq markilarni bu mesilide mewqesini bildürüshke chaqirghan.

Firansiye xelq'ara radiyosining yekshenbe küni xewer qilishiche, kelgüsi bir hepte ichide, parizh sheherlik edliye tarmaqliri "Zara", "Uniklo" we "Sandro" qatarliq shirketler üstidin sunulghan shikayetke qarap chiqidiken.

Melum bolushiche, bir nechche kishilik hoquq teshkilatliri birliship yuqirida tilgha élin'ghan shirketlerning Uyghur mejburiy emgikini suyi'istémal qilip yighiwélin'ghan paxtilarni ishlitish qilmishi üstidin erz sun'ghan iken.

"Uniklo" shirkiti aldinqi kündiki bayanatida öz mehsulatlirining Uyghur élidiki mejburiy emgek bilen ishlenmigenlikige kapaletlik qilinidighanliqini bildürgen bolsimu, emma yuqirida ismi tilgha élin'ghan bashqa dangliq markilar téxi bu heqte öz mewqesini ipadilimigen idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet