Японийә вә һиндистан деңиз армийәлири һинди окянда бирләшмә маневир өткүзди

Мухбиримиз җүмә
2020-06-28
Елхәт
Пикир
Share
Принт
японийә вә һиндистан деңиз армийәлири һинди окянда бирләшмә маневир өткүзди
Японийә вә һиндистан деңиз армийәлири һинди окянда бирләшмә маневир өткүзди
Social Media

Хитайниң өзигә қошна дөләтләргә һәрбий тәһдит пәйда қиливатқанлиқи диққәт нуқтисиға айланған мәзгилдә, японийә вә һиндистан деңиз армийәлири талаш-тартиштики деңиз тәвәликидә бирләшмә маневир өткүзгән.

Японийә өзини қоғдаш деңиз армийәсиниң баянатиға қариғанда маневир 27-июн һинди окянда өткүзүлгән болуп, маневирдин мәқсәт икки тәрәп қисимлири арисидики чүшинишни илгири сүрүш икән.

Һиндистандин чиқидиған «җумһурийәт дуняси» хәвәрләр торида көрситишичә, мәзкур маневирниң хитайниң өз қошнилириниң ирадисини синаш урунушлири изчиллашқан вәзийәткә тоғра кәлгәнлики диққәт қилишқа әрзийдикән.

Хәвәрдин қариғанда, 16-июн һиндистан билән хитайниң қарақурум егизликидики чеграси-галван җилғисида йүз бәргән қанлиқ тоқунуштин кейин, хитай даирилири японийә вә тәйвәнгә тәвә деңиз районлиридиму ағдурмичилиқ һәрикәтлирини күчәйткән.

Нәтиҗидә японийә хитайға йеқин чегра районлириға башқурулидиған бомбилирини йөткигәндин башқа, мәзкур районлардики әскәр санини көпәйткән.

Һиндистан билән японийәниң һинди окянда бирләшмә маневир өткүзгәнлик хәвәр оттуриға чиққан пәйтләрдә хитайниң «йәршари вақит гезити» твиттер учури тарқитип һиндистан вә қошқа әлләргә агаһландуруш бәрди. 

Улар учурида «әгәр һиндистан хитай билән болған чегра дәталишида америкиниң қоллишини суйиистемал қилидиған болса, қаттиқ хаталашқан болиду. Хитай азадлиқ армийәси хитай-һиндистан чеграси, җәнубий деңиз вә тәйвән боғузи қатарлиқ көплигән фронтларда өзини толуқ мудапиә иқтидариға игә» икәнликни көрсәтти.

16-Июл галван җилғисида йүз бәргән тоқунушта һиндистан тәрәптин 20 нәпәр, хитай тәрәптин 43 нәпәр әскәр өлгәнлики хәвәр қилинған.

Бу тоқунуштин кейин америка хитайниң чегра сүркилишни кәскинләштүрүвәткәнликини әйиблигән. Америка президенти доналд трамп һиндистанға ярдәм қилидиғанлиқини билдүргән иди.

Пикирләр (0)
Share
Толуқ бәт