Yaponiye we hindistan déngiz armiyeliri hindi okyanda birleshme manéwir ötküzdi

Muxbirimiz jüme
2020-06-28
Share
YAPON-HINDISTAN-MANIWER-2020.jpeg Yaponiye we hindistan déngiz armiyeliri hindi okyanda birleshme manéwir ötküzdi
Social Media

Xitayning özige qoshna döletlerge herbiy tehdit peyda qiliwatqanliqi diqqet nuqtisigha aylan'ghan mezgilde, yaponiye we hindistan déngiz armiyeliri talash-tartishtiki déngiz tewelikide birleshme manéwir ötküzgen.

Yaponiye özini qoghdash déngiz armiyesining bayanatigha qarighanda manéwir 27-iyun hindi okyanda ötküzülgen bolup, manéwirdin meqset ikki terep qisimliri arisidiki chüshinishni ilgiri sürüsh iken.

Hindistandin chiqidighan "Jumhuriyet dunyasi" xewerler torida körsitishiche, mezkur manéwirning xitayning öz qoshnilirining iradisini sinash urunushliri izchillashqan weziyetke toghra kelgenliki diqqet qilishqa erziydiken.

Xewerdin qarighanda, 16-iyun hindistan bilen xitayning qaraqurum égizlikidiki chégrasi-galwan jilghisida yüz bergen qanliq toqunushtin kéyin, xitay da'iriliri yaponiye we teywen'ge tewe déngiz rayonliridimu aghdurmichiliq heriketlirini kücheytken.

Netijide yaponiye xitaygha yéqin chégra rayonlirigha bashqurulidighan bombilirini yötkigendin bashqa, mezkur rayonlardiki esker sanini köpeytken.

Hindistan bilen yaponiyening hindi okyanda birleshme manéwir ötküzgenlik xewer otturigha chiqqan peytlerde xitayning "Yershari waqit géziti" twittér uchuri tarqitip hindistan we qoshqa ellerge agahlandurush berdi. 

Ular uchurida "Eger hindistan xitay bilen bolghan chégra detalishida amérikining qollishini suyi'istémal qilidighan bolsa, qattiq xatalashqan bolidu. Xitay azadliq armiyesi xitay-hindistan chégrasi, jenubiy déngiz we teywen boghuzi qatarliq köpligen frontlarda özini toluq mudapi'e iqtidarigha ige" ikenlikni körsetti.

16-Iyul galwan jilghisida yüz bergen toqunushta hindistan tereptin 20 neper, xitay tereptin 43 neper esker ölgenliki xewer qilin'ghan.

Bu toqunushtin kéyin amérika xitayning chégra sürkilishni keskinleshtürüwetkenlikini eyibligen. Amérika prézidénti donald tramp hindistan'gha yardem qilidighanliqini bildürgen idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet