Японийәдә ASICS ниң "шинҗаң пахтиси" ни ишлитишигә қарши намайиш өткүзүлгән

Мухбиримиз мәмәтҗан җүмә
2021-09-05
Share
японийәдә ASICS ниң Японийәлик паалийәтчи урю һирано ханим елан қилған олимпик комитетиниң "шинҗаң пахтиси" ни ишлитишигә қарши твиттер учури.
Social Media

Японийәлик паалийәтчи урю һирано ханим елан қилған твиттер учуриға қариғанда, 29-авғуст бир түркүм японийәлик паалийәтчиләр японийәдики даңлиқ марка "аз‍асикис" (ASICS) вә олимпик комитетиниң "шинҗаң пахтиси" ни ишлитишигә қарши намайиш қилған.

Урю һирано твиттер учурида мундақ дегән: "биз ‹аз‍асикис' ниң шинҗаң пахтисини давамлиқ ишлитишигә вә олимпик комитетиниң олимпик тәнһәрикәтчилири вә пидаийлирини рәсмий кийим-кечәк билән тәминләш үчүн ‹аз‍асикис' ни олимпик алтун һәмраһи қилип таллиғанлиқиға етираз билдүримиз"

Твиттер учуриға қошуп чапланған рәсимгә қариғанда, намайишчилар қоллирида шәрқий түркистан байрақлирини көтүрүшкән. Улар йәнә шәрқий түркистанниң ай юлтузлуқ көк байриқиниң рәңгидә лайиһәләнгән бир плакатниму намайишқа елип кәлгән болуп, плакатқа "шинҗаң пахтисини ишлитиш тохтитилсун!" дегән шоарлар йезилған.

Урю һирано твиттер учурда йәнә даириләрни буниңға қарши һәрикәткә өтүшкә чақирған вә мундақ дегән: "пат йеқинда конкрет җавабқа еришәлмисәк, биз техиму көп паалийәт қилимиз."

Урю һирано ханимниң фейсбук бетигә қариғанда, у кишилик һоқуқ паалийәтчиси, мода кийим модели икән. У илгириму уйғурларни қоллаш намайишлириға көп қатнашқан вә бу һәқтики рәсимләрни фейсбукта көп қетим һәмбәһирлигән.

Уйғурларға қаритилған мәҗбурий әмгәк қилмиши сәвәблик хәлқара җәмийәт уйғур дияридин чиқидиған пахта мәһсулатлирини мәни қилишқа башлиғаниди.

Һалбуки, японийәниң даңлиқ тәнһәрикәт кийимлири ширкити- "аз‍асикис" ниң хитай тармиқи бу йил март баянат елан қилип, уйғур дияридин чиқидиған пахта мәһсулатлирини ишлитишни давам қилидиғанлиқи билдүргән вә күчлүк наразилиқларға дуч кәлгән иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт