Yaponiye fukiy ölkilik mashinisazliq sana'et birleshmiside Uyghur weziyiti heqqide doklat bérildi

Muxbirimiz méhriban
2019-11-13
Élxet
Pikir
Share
Print
Dunya Uyghur qurultiyining yaponiyediki wekili ilham mexmut "Yaponiye fukiy ölkilik mashinisazliq sana'et birleshmisi" de Uyghur weziyiti heqqide doklat berdi. 2019-Yili 12-noyabir. Fukiy, yaponiye.
Dunya Uyghur qurultiyining yaponiyediki wekili ilham mexmut "Yaponiye fukiy ölkilik mashinisazliq sana'et birleshmisi" de Uyghur weziyiti heqqide doklat berdi. 2019-Yili 12-noyabir. Fukiy, yaponiye.
Ilham Mahmut Teminligen.

12-Noyabir küni yaponiye fukiy ölkilik mashinisazliq sana'et birleshmisining orunlashturushida, dunya Uyghur qurultiyining yaponiyediki wekili ilham mexmut Uyghur weziyiti heqqide doklat bérip, yaponiye karxanilirini xitay bilen bolghan soda hemkarliqida, Uyghurlar weziyitini sürüshtürüshke we lagérlar bilen hemkarliqi bolghan xitay shirketliri bilen hemkarlashmasliqqa chaqirdi.

Dunya Uyghur qurultiyining yaponiyediki wekili, yaponiye Uyghur jemiyitining mes'uli ilham mexmut ependining radiyomizgha bildürüshiche, u 12-noyabir seyshenbe küni yaponiyening "Fukiy ölkilik mashinisazliq sana'et birleshmisi" de Uyghur weziyiti heqqide doklat bérishke orunlashturulghan.

Gogoldin tekshürgen uchurlardin melum bolushiche, "Fukiy ölkilik mashinisazliq sana'et birleshmisi zawut-fabrikilar üchün ishlitilidighan istanok mashiniliri ishlepchiqiridighan we mexsus éghir sana'et bilen shughullinidighan shirketlerning birleshmisidur.

Ilham mexmut ependi özining bu qétim "Fukiy ölkilik mashinisazliq sana'et birleshmisi" de bergen doklatida, yaponiyediki paxta mehsulatliri ishlepchiqiridighan bir qisim dangliq shirketlerning xitayning Uyghur diyaridiki lagérlardiki Uyghur qatarliq xelqlerni erzan emgek küchi qilip ishlitish éhtimali bolghan xitay paxta shirketliri bilen soda alaqisi barliqini otturigha qoyghanliqini bildürdi.

Ilham mexmut ependining bildürüshiche u doklatida yene xitay bilen soda alaqisi qiliwatqan yaponiye shirket-karxanilirini lagérlar bilen alaqisi bolghan xitay shirketliri bilen hemkarlashmasliqqa chaqirghan.

Ilham mexmut ependining bildürüshiche, uning bu qétim "Fukiy ölkilik mashinisazliq sana'et birleshmisi" de bergen doklati yighin qatnashchilirining diqqitini qozghighan. Uning doklatidin kéyin bir qisim shirket mes'ulliri uninggha özlirining, xitaydiki Uyghurlar weziyiti heqqide téximu éniq konkrét melumatlargha érishkenlikini bildürüp, bundin kéyinki xitay shirketliri bilen bolghan soda alaqisida özliri bilen hemkarlashqan xitay shirketlirining Uyghur rayonidiki lagérlar bilen bolghan baghlinishini sürüshte qilidighanliqini bildürgen.

Ilham mexmut ependining bildürüshiche, uning bu qétimqi doklati yaponiye bash ministiri shinzo abining yéqinda yaponiyediki shirket-karxanilarning wekilliridin terkip tapqan ömekni bashlap xitayda ziyarette bolghan we xitay bilen bezi soda toxtamlirini tüzgendin kéyinki mezgilge orunlashturulghan.

Ilham mexmut ependi Uyghurlargha qaritilghan basturush kücheytilgen, milyonlighan Uyghur lagérlargha qamalghan bügünkidek sezgür bir weziyettiki yaponiye-xitay munasiwiti we bu munasiwettiki Uyghur mesilisi heqqide toxtilip, sana'et döliti bolghan yaponiyening hökümiti we xitay bilen soda alaqisida boluwatqan yaponiye shirket-karxanilirigha Uyghur mesilisini anglitishning tolimu zörürlikini we buning ünümi bolidighanliqini tekitlidi.

Yuqurqi awaz ulinishidin programmining tepsilatini anglaysiler.

Toluq bet