Yawropa ittipaqining bérlin wakaletchilikide Uyghur mesilisi boyiche guwahliq bérish yighini ötküzülgen

Ixtiyariy muxbirimiz Uyghur'ay
2021.06.16
Yawropa ittipaqining bérlin wakaletchilikide Uyghur mesilisi boyiche guwahliq bérish yighini ötküzülgen Gérmaniye parlaméntida yawropa ittipaqi parlaménti ezalirining qatnishishi bilen ötküzülgen Uyghurlar mesilisi boyiche guwahliq bérish yighinida lagér shahiti qelbinur sidiq xanim guwahliq bermekte. 2021-Yili 11-iyun.
Social Media

6-Ayning 11-küni gérmaniye parlaméntida yawropa ittipaqi parlaménti ezalirining qatnishishi bilen Uyghurlar mesilisi boyiche guwahliq bérish yighini Ötküzülgen.

Bu qétimqi guwahliq bérish yighinigha yawropa ittipaqi parlaménti xitay ishliri komitétining mu'awin bashliqi, gérmaniye parlaménti kishilik hoquq komitétining mu'awin bashliqi, gérmaniye parlaménti tashqiy ishlar komitétining bashliqi qatarliq yoqiri derijilik siyasiyetchiler qatnashqan. Bu yighin'gha yene doktor adryan zénzni öz ichige alghan tetqiqatchilarmu qatnashqan.

Bularning bir qismi mezkur guwahliq bérish yighinigha neq meydandin qatnashqan bolsa, bezliri tor arqiliq qatnashqan.

Gérmaniye parlaménti kishilik hoquq komissiyonining mu'awin bashliqi kiramon xanimmezkur yighinda Uyghurlar weziyiti heqqide toxtilip, mexsus pikir bayan qilghan.

Gérmaniye parlaméntida yawropa ittipaqi parlaménti ezalirining qatnishishi bilen ötküzülgen Uyghurlar mesilisi boyiche guwahliq bérish yighinida lagér shahiti qelbinur sidiq xanim guwahliq bermekte. 2021-Yili 11-iyun.

Bu pa'aliyetke yene lagér shahitliridin qelbinur sidiq xanimmu teklip qilinip, Uyghurlar weziyiti we lagérlar heqqide guwahliq bergen. U özining lagérda oqutquchiliq qilish jeryanida béshidin ‍ötken dehshetlik qismetler heqqide melumat bergen.

Melum bolushiche, gérmaniye parlaméntida ötküzülgen bu qétimqliq guwahliq bérish yighinini orunlashturushta dunya Uyghur qurultiyi alahide küch chiqarghan.

Yawropada en'gliye, gollandiye, litwa, bélgiye, chéx jumhuriyiti qatarliq döletlerning parlaméntliri xitayning Uyghurlargha qaratqan basturushlirini “Irqiy qirghinchiliq” dep tonughan bolsimu, emma gérmaniye mezkur mesilide téxiche inkas qayturmighan idi.

Dunya Uyghur qurultiyi bérlin ishxanisining mudiri gheyur qurban ependining éytishiche, mushundaq bir jiddiy weziyette yawropa ittipaqning bérlin wakaletchilikide ötküzülgen bu qétimliq guwahliq bérish yighinda xitayning Uyghurlargha yürgüzüwatqan derijidin tashqiri basturush siyasetliri küchlük delil-ispatlar bilen otturigha qoyulghan. Bu delil-ispatlar gérmaniye parlamént ezalirining küchlük diqqitini qozghighan.

Radiyomiz ziyaritini qubul qilghan qelbinur sidiq xanim, bu qétimqi guwahliq bérish yighinida özining lagérlar heqqide yene bir qétim guwahliq bergenlikini, bu yighinning nahayiti ehmiyetlik bolghanliqini bildürdi.

4-Iyundin 7-iyun'ghiche londonda dawamlashqan Uyghur sot kollégiyesining tunji nöwetlik ispat anglash yighini xelq'arada küchlük tesir qozghighanliqi melum.

Dunya Uyghur qurultiyi bérlin ishxanisining mudiri gheyur qurban ependining éytishiche, mushundaq bir mezgilde gérmaniye parlaméntida échilghan bu qétimqi guwahliq bérish yighini muhim ehmiyetke ige iken.

Uning éytishiche, bu qétimqi guwahliq bérish yighini yawropa we gérmaniye siyasetchilirining diqqitini yene bir qétim Uyghurlar mesilisige merkezleshtürgen. Bu buningdin kéyin gérmaniye siyasetchilirining Uyghur mesilisige nisbeten jiddiy inkas qayturushigha türtkilik rol oynishi mumkin iken.

Amérika hökümiti bu yil 19-féwral xitayning Uyghurlargha yürgüzüwatqan siyasetlirini “Irqiy qirghinchiliq” dep étirap qilghandin kéyin, kanada, en'gliye, gollandiye, litwa, bélgiye, chéx jumhuriyiti qatarliq gherb ellirining parlaméntliri arqa-arqidin xitayning Uyghurlargha “Irqiy qirghinchiliq” yürgüziwatqanliqini étirap qilghan idi. Emma yawropa ittipaqining parawuzi hésablan'ghan gérmaniyening bu mesilige téxiche inkas bildürmesliki, hetta xitay bilen bolghan iqtisadiy munasiwetlirini izchil dawamlashturushi, xelq'ara jem'iyet we kishilik hoquq organlirining tenqidige duch kelmekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.