Yawropa ittipaqi emeldari chén chüen'goni jazalashni qollaydighanliqini bildürgen

Muxbirimiz jüme
2020-12-13
Share
Yawropa ittipaqi emeldari chén chüen'goni jazalashni qollaydighanliqini bildürgen Yawropa parlaménti xitay munasiwetler wekiller ömikining bashliqi réynxard butikofér.
Social Media

Yawropa ittipaqi "Yershari kishilik hoquq jaza qanuni" ni maqullap uzun ötmey, yawropa parlaménti xitay munasiwetler wekiller ömikining bashliqi réynxard butikofér Uyghurlargha qaritilghan basturush siyasitining bash ijrachisi chén chüen'goning mezkur kishilik hoquq méxanizmi boyiche jazalinishni xalaydighanliqini bildürgen.

Réynxard butikofér "Asiya xewerliri" gézitige qilghan sözide mundaq dégen: "Men shinjang partkomining sékrétari chén chüen'goni yawropa ittipaqining yéngi kishilik hoquq méxanizmi boyiche jazalashqa eng bab kélidighan kandidat, dep qaraymen."

Yawropa ittipaqining qanun chiqirish tarmiqi düshenbe küni "Yershari magnétiskiy qanuni" ning ilhami bilen öz aldigha "Yer shari kishilik hoquq jazalash tüzümi" dep atilidighan bir kishilik hoquq qanunini maqullighan.

Yawropa ittipaqining dunya miqyasidiki kishilik hoquq depsendichilikini jazalashni bash nishan qilghan mezkur yéngi méxanizmi amérikaning alqishigha érishken.

Amérika tashqi ishlar ministiri mayk pompéyo bu heqte élan qilghan bayanatida, yawropa ittipaqining bu qararni élishi öz nöwitide yene herqaysi eza döletlerni kishilik hoquq depsendichiliki bilen meshghul bolghan döletlerni jawabkarliqqa tartish imkaniyitige ige qilidighanliqini körsetken idi.

Réynxard butikofér qanunni ijra qilishning nöwettiki weziyiti heqqide toxtilip, yawropa parlaménti ezalirining komissiye we eza döletlerning hökümetliri bilen hemkarliship, kishilik hoquq buzghunchilirining tizimlikini turghuzup chiqidighanliqini éytqan.

Chén chüen'go Uyghurlargha qaritilghan jaza lagéri tüzümi, keng kölemlik teqiblesh, nopus cheklesh qatarliq basturush siyasetlirining bash ijrachisi. Shu seweblik amérika hökümiti 9-iyul chén chüen'go qatarliq 4neper xitay emeldarini "Yershari magnétiskiy qanuni" boyiche jazalighan idi.

Eger chén chüen'go yawropaning yéngi kishilik hoquq méxanizmi boyiche jazalansa, uning yawropa ittipaqigha eza döletlerning her qandaq birige sayahet qilishi cheklinidu we uning bu ellerdiki barliq mülüki tonglitilidu.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet