D u q rehberliri gérmaniye yehudiylar jama'itige jaza lagérliri mesilisini anglatti

Ixtiyariy muxbirimiz ekrem
2019-04-12
Élxet
Pikir
Share
Print
D u q re'isi dolqun eysa bashliq 4 kishilik bir hey'et yehudiylar jama'iti teshkilatining prézidénti charlotte knoblok xanim bilen. 2019-Yili 12-aprél, gérmaniye.
D u q re'isi dolqun eysa bashliq 4 kishilik bir hey'et yehudiylar jama'iti teshkilatining prézidénti charlotte knoblok xanim bilen. 2019-Yili 12-aprél, gérmaniye.
RFA/Ekrem

Gérmaniyediki yehudiylar jama'iti gérmaniyede siyasiy, iqtisadiy we ijtima'iy sahelerde zor tesiri bolghan teshkilattur.

12-Aprél d u q rehberliri merkizi myunxénda bolghan gérmaniye yehudiylar jama'iti teshkilatining bash orginini ziyaret qilip, xitayning sherqiy türkistanda tesis qilghan jaza lagérliri we uningda dawam qiliwatqan éghir zulumlarni anglatqan.

D u q re'isi dolqun eysa bashliq 4 kishilik bir hey'et bügün yehudiylar jama'iti teshkilatining re'isi bilen 1 sa'ettin artuq jaza lagérliri mesilisi üstide söhbet ötküzgen. Dolqun eysa ependi sözide xitay hakimiyitining adolf hitlér 2-dunya urushi mezgilide yehudiylargha qollan'ghan siyasetning eynisini bügün sherqiy türkistan xelqige qolliniwatqanliqini chüshendürgen.

D u q ning mu'awin re'isi perhat muhemmidi ependining bayan qilishiche, tarixta bügünki Uyghurlargha oxshashla éghir qismetlerge yoluqqan, dunyada siyasiy, iqtisadiy, pen-téxnika saheside tesiri zor bolghan yehudiylarning hésdashliqini qolgha keltürüsh sherqiy türkistan milliy dewasi üchün muhim amil hésablinidiken. U bu qétimqi ziyaretning gérmaniyediki yehudiylar jama'iti bilen tonushushning tunji qedimi bolup qalghanliqini bildürdi.

Bügünki bu söhbetke d u q xadimi shehrizatmu qatnashqan. Shehrizatmu oxshashla yehudiylarning hésdashliqini qolgha keltürüshning milliy dewaning éhtiyaji ikenlikini, bu söhbetning nahayiti ehmiyetlik bolghanliqini tekitlidi.

Yehudiylar jama'iti teshkilatining prézidénti charlotte knoblok xanim sherqiy türkistandiki jaza lagérliri mesilisini anglighandin kéyin intayin epsuslan'ghanliqini bildürgen we bu küresh saheside d u q ni qolidin kélishiche qollaydighanliqini ipade qilghan.

Gérmaniyediki yehudiylar jama'iti teshkilati 1946-yili 15-iyulda 2800 kishining qoshulushi bilen myunxénda qurulghan. Bu teshkilat bügünki künde her sahede tesiri zor bolghan xelq'araliq bir teshkilat bolup, u yene "Isra'iliye medeniyet jem'iyiti" depmu atilidu. Mezkur teshkilatning myunxéndiki ezalirining sani bügün 9500 kishige yétidiken.

Toluq bet