Zumret dawut: “Xitaydiki ijtima'iy taratqularda tarqalghan qisqa sin körünüshliri Uyghurlar uchrawatqan zulumning eng yaxshi ispatidur”

Muxbirimiz méhriban
2021.03.11
Share on WhatsApp
Share on WhatsApp
zumret-dawut-kimliki-bilen.jpg Zumret sawut ürümchide mehelle komitétining tekshürüshidin ötmekte. 2018, öktebir.
Zumret Dawut teminligen

Lagér shahiti zumret dawut xanim amérikadiki hökümet organliri we taratqularda özining lagérda uchrighan échinishliq qismiti we 2017-yildin kéyin Uyghurlar uchrawatqan qattiq basturulush weziyiti heqqide köp qétim ispat bergenliki we özi körgen ehwallarni anglatqanliqi üchün, xitay hökümitining hujum nishanigha aylan'ghan Uyghur lagir shahitlirining biri.

Zumret xanim öz nöwitide yene xitay ichidiki ijtima'iy taratqularda tarqalghan Uyghurlar heqqidiki eng yéngi sin filimlirini izdep tépip, özining féysbuk qatarliq ijtima'iy taratqu hésabatlirida ulap tarqitip kelmekte. Melum bolushiche, u yollighan bu sin filimliri köp qétim hembehirlinip, körülüsh qétim sani hessilep ashqan.

Zumret dawut xanim özi tarqatqan sin körünüshliri heqqide radiyomizning mexsus ziyaritini qobul qildi.

Uning bildürüshiche, u xitaydiki ijtima'iy taratqularda tarqalghan qisqa sin körünüshlirini izdep tépish we tarqitish arqiliq, Uyghurlar uchrawatqan zulumning heqiqi mahiyitini téximu köp kishilerge anglitishni meqset qilghan.

Zumret xanimning bildürüshiche, xitay hökümitining Uyghurlargha qaratqan zulumlirigha da'ir pakitlarning dunyagha ashkarilinishi bilen nöwette amérika, kanada, gollandiye qatarliq dölet hökümetliri Uyghurlar uchrawatqan zulumni irqiy qirghinchiliq dep élan qilghan. Buning bilen xitay hökümiti xelq'arada qattiq eyipleshke uchrighan. Halbuki, xitay hökümiti bu xil eyibleshke qarita özining Uyghurlargha qaratqan irqiy qirghinchiliq siyasitini inkar qilish we perdazlash siyasitini qollan'ghan. Xitay özi tarqatqan bu xil teshwiqat xewerliri we xitaydiki ijtima'iy tartqularda tarqalghan Uyghurlar heqqidiki sin körünüshliride Uyghurlar uchrawatqan zulum siyasitige a'it nurghunlighan ispatliq matériyallarni ashkarilap qoyghan.

Zumret xanim yene özining xitaydiki ijtima'iy taratqularda tarqalghan Uyghurlarning weziyiti heqqidiki qisqa sin körünüshlirini izdep tépish jeryanida yoluqqan mesililer we inkaslar heqqidimu toxtaldi.

U özining bu xil japaliq emgigi we tirishchanliqining ünümi bolghanliqini bildürdi.

Uning bildürishiche, u yollighan sin körünüshliri Uyghurlarning weziyitini yéqindin közitip kéliwatqan kishilik hoquq pa'aliyetchiliri, Uyghurshunas tetqiqatchilar we muxbirlarning diqqitini qozghighan.

Ziyartimiz axirida zumret xanim yene chet ellerdiki Uyghurlarning özining qurbi yetken inmkaniyiti ichide Uyghurlar uchrawatqan zulumlarni dunyagha ashkarilishining xitay hökümitining heqiqi mahiyitini échip körsitishte téximu zor ünümi bolidighanliqini tekitlidi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.