នៅថ្ងៃសៅរ៍នេះក្រុមគ្រួសារនិងញាតិមិត្តនៃសពលោកឧត្តមសេនីយ៍ សូកាំ ខូយ អតីតប្រធានាធិបតីស្តីទីនៃរបបសាធារណរដ្ឋខ្មែររបស់លោកសេនាប្រមុខ លន់ នល់ ទើបបានបញ្ចប់ពិធីបុណ្យទក្ខិណានុប្បទានឧទ្ទិសកុសលជូនលោក។
អតីតមន្រ្តីខ្មែររូបនេះបានបន្សល់ទុករឿងរ៉ាវខ្លះដែលមានរួមទាំងអាថ៌កំបាំងនៃប្រវត្តិសាស្រ្តខ្មែរផងដែរ។
លំដាប់តទៅនេះគឺជាបទសម្ភាសន៍វគ្គថ្មីមួយដែលលោក សូកាំ ខូយ បានផ្តល់ឲ្យ លោក សំ បូរិន្ទ កាលពីលោកនៅរស់គឺកាលថ្ងៃទី១ ខែមករា ដើមឆ្នាំ២០០៨ ស្តីពីចម្បាំងដណ្តើមកាន់កាប់មូលដ្ឋានមួយចំនួនពីកងទ័ពក្រុងហាណូយនៅខេត្តភាគឦសានពីរនៃប្រទេសកម្ពុជា នៅចំពេលដែលមានកិច្ចប្រជុំសន្និសីទសន្តិភាពក្រុងហ្សឺណែវ ឆ្នាំ១៩៥៤។
សូមអញ្ជើញស្តាប់ខ្លឹមសារពិស្តារនៃបទសម្ភាសន៍ដែលមានសេចក្តីដូចតទៅនេះ៖
លោកឧត្តមសេនីយ៍ សូកាំ ខូយ អតីតមេបញ្ជាការដែលបញ្ជាដោយអតីតព្រះប្រមុខរដ្ឋ សម្តេចព្រះនរោត្តម សីហនុ កាលពីឆ្នាំ១៩៥៤ ឲ្យវាយប្រហារលើកងទ័ពឈ្លានពានហាណូយ នៅខេត្តស្ទឹងត្រែង និងក្រចេះនោះ បានមានប្រសាសន៍ថា យុទ្ធសាស្ត្រក្រុងហាណូយនៅប្រទេសលាវធ្វើឲ្យលោកបារម្ភថា កម្ពុជានឹងត្រូវបែងចែកជាពុំខាន។
សូមអញ្ជើញស្តាប់បទសម្ភាសន៍ភាគបន្តដែលលោកបានផ្តល់ដល់លោក សំ បូរិន្ទ កាលពីថ្ងៃទី១ ខែមករា ឆ្នាំ២០០៨កន្លងទៅ ជុំវិញការសម្រេចចិត្តហ្មត់ចត់របស់លោកក្នុងការវាយដណ្តើមមូលដ្ឋានស្រែជេសក្នុងខែត្រក្រចេះ និងវ៉ឺនសៃក្នុងខែត្រស្ទឹងត្រែង ពីទ័ពឈ្លានពានវិញ ដូចមានសេចក្តីតទៅនេះ៖
ទោះជាបានប្រឹងប្រែងទប់ស្កាត់ពីដំបូងដៃដើម្បីកុំឲ្យនយោបាយក្រុងហាណូយបានសម្រេចទិសដៅត្រួតត្រាប្រទេសកម្ពុជាដែលជាផ្នែកមួយនៃឥណ្ឌូចិននោះក្តី ប៉ុន្តែលោកឧត្តមសេនីយ៍ សូកាំ ខូយ បានឃើញថា ប្រទេសកម្ពុជានៅតែបានធ្លាក់នៅក្នុងការគ្រប់គ្រងដូចសេចក្តីប្រាថ្នាដើមរបស់ប្រទេសវៀតណាមតែដដែល។
សូមអញ្ជើញស្តាប់សម្ភាសន៍ភាគបន្តដែលលោកបានផ្តល់ដល់ លោក សំ បូរិន្ទ នៅមុនពេលលោកទទួលមរណភាពជុំវិញរឿងនេះនិងទស្សនៈរបស់លោកចំពោះមេដឹកនាំគណបក្សប្រជាជនកម្ពុជាដែលកំពុងកាន់អំណាចមានសេចក្តីដូចតទៅ៖
អតីតប្រធានាធិបតីស្តីទីនៃរបបសាធារណរដ្ឋខ្មែររបស់លោកសេនាប្រមុខ លន់ លន់ បានស្តីបន្ទោសការបន្តមានឥទ្ធិពលរបស់វៀតណាមលើកម្ពុជាថា បណ្តាលមកពីការធ្វើរដ្ឋប្រហារទម្លាក់សម្តេចព្រះប្រមុខរដ្ឋ នរោត្តម សីហនុ ចេញពីតំណែងមួយអន្លើ និងការរិះគន់ព្រះអង្គថា គឺជាមេដឹកនាំដែលទ្រង់សព្វព្រះទ័យតែនឹងការបញ្ជោបញ្ចើចបញ្ចើនឹងការប្រព្រឹត្តអំពើអបាយមុខ។
សូមអញ្ជើញស្តាប់បទសម្ភាសន៍ភាគបន្តរបស់លោកឧត្តមសេនីយ៍ សូកាំ ខូយ ដែលលោកបានផ្តល់ជូល លោក សំ បូរិន្ទ កាលពីថ្ងៃទី៥ ខែតុលា ឆ្នាំ២០០៦ ជុំវិញចំណុចខាងលើនេះមានសេចក្តីដូចតទៅ៖
លោកឧត្តមសេនីយ៍ សូកាំ ខូយ ដែលជាមេបញ្ជាការផ្នែកអធិការកិច្ចកងយោធពលខេមរភូមិន្ទនិងជាមេដឹកនាំគយនិងរដ្ឋាករផងក្នុងរបបសង្គមរាស្រ្តនិយមមានប្រសាសន៍ថា សម្តេចព្រះប្រមុខរដ្ឋ ព្រះនរោត្តម សីហនុ មិនមែនត្រឹមតែបានអនុញ្ញាតឲ្យកងទ័ពយៀកកុងតាំងទីនៅលើទឹកដីខ្មែរប៉ុណ្ណោះទេ ប៉ុន្តែព្រះអង្គនៅបានប្រើប្រាស់កងទ័ពជាតិឲ្យជួយការពារបម្រើ ព្រមទាំងផ្តល់ស្បៀងអាហារដល់កងទ័ពបរទេសទាំងនោះយ៉ាងក្រាស់ក្រែលទៀតផង។
សូមអញ្ជើញស្តាប់បទសម្ភាសន៍បន្តដែលលោកបានផ្តល់ដល់លោក សំ បូរិន្ទ កាលពីថ្ងៃទី៥ ខែតុលា ឆ្នាំ២០០៦ ជុំវិញបញ្ហាអធិបតេយ្យជាតិខ្មែរសម័យសង្គមរាស្រ្តនិយម ចុងទសវត្សរ៍ឆ្នាំ៦០ មានសេចក្តីដូចតទៅ៖
អតីតមេទ័ពសំណប់ព្រះទ័យអតីតព្រះមហាក្សត្រ ព្រះបាទ សម្តេចព្រះនរោត្តម សីហនុ បើទោះបីលោកតែងបានរិះគន់ការធ្វើរដ្ឋប្រហារទម្លាក់ព្រះអង្គចេញពីតំណែងជាព្រះប្រមុខរដ្ឋ ថាជាអំពើខុសឆ្គងដ៏ធ្ងន់ធ្ងរនោះក្តី ក៏លោកបានមានប្រសាសន៍ថា ព្រះអង្គក៏មានកំហុសដែលសមទៅនឹងអំពើរដ្ឋប្រហារនោះដែរ។
សូមអញ្ជើញស្តាប់បទសម្ភាសន៍បន្តដែលលោកបានផ្តល់ដល់លោក សំ បូរិន្ទ កាលពីថ្ងៃទី៥ ខែតុលា ឆ្នាំ២០០៦ ជុំវិញទស្សនៈរបស់លោក និងទស្សនៈរបស់សម្តេចព្រះនរោត្តម សីហនុ លើបញ្ហាអធិបតេយ្យភាពទឹកដីខ្មែរ មុនរដ្ឋប្រហារឆ្នាំ១៩៧០នោះ មានសេចក្តីដូចតទៅ៖
លោកអតីតប្រធានាធិបតីស្តីទី សូកាំ ខូយ ដែលទើបនឹងទទួលមរណភាពកាលពីថ្ងៃទី១៤ ខែវិច្ឆិកាកន្លងទៅនេះ បានមានប្រសាសន៍ថា លោកត្រូវបានលោកនាយករដ្ឋមន្រ្តី ឡុង បូរ៉េត នៃរបបសាធារណរដ្ឋខ្មែររបស់លោកដេញចេញពីតំណែងជាប្រធានាធិបតីស្តីទី នៅថ្ងៃទី១២ ខែមេសា ឆ្នាំ១៩៧៥ ពេលលោកចេញពីទីក្រុងភ្នំពេញផុតភ្លាម។ តើរដ្ឋប្រហារនោះមានដំណើរដើមទងពីអ្វី?
សូមអញ្ជើញស្តាប់បទសម្ភាសន៍បន្តដែលលោកអតីតប្រធានាធិបតីស្តីទី សូកាំ ខូយ បានផ្តល់ជូនលោក សំ បូរិន្ទ កាលពីថ្ងៃទី១ ខែមករា ឆ្នាំ២០០៨កន្លងទៅនេះ ទាក់ទិននឹងនាទីចុងក្រោយនៃការដួលរលំរបបសាធារណរដ្ឋខ្មែរ នាខែមេសា ឆ្នាំ១៩៧៥ មានសេចក្តីដូចតទៅ៖
នៅចំពេលចាកចេញពីទីក្រុងភ្នំពេញ នៅថ្ងៃទី១២ ខែមេសា ឆ្នាំ១៩៧៥ លោកអតីតប្រធានាធិបតីស្តីទី សូកាំ ខូយ មានប្រសាសន៍ថា លោកបានត្រូវលោកនាយករដ្ឋមន្រ្តី ឡុង បូរ៉េត ក្នុងរបបភ្នំពេញធ្វើរដ្ឋប្រហារលែងទទួលស្គាល់លោកជាប្រធានាធិបតីស្តីទីនៅថ្ងៃដដែលនោះដែរ។
លោកឲ្យដឹងទៀតថា លោកក៏ពុំបានចាត់ការអ្វីដើម្បីស្រោចស្រង់របបសាធារណរដ្ឋខ្មែររបស់លោកដែរ ព្រោះលោកមានជំនឿមុតមាំថា សម្តេចព្រះនរោត្តម សីហនុ ពិតជាអាចនាំសន្តិភាព ការរួបរួមជាតិ ជូនមាតុភូមិរបស់លោកវិញបានជាក់ជាពុំខាន។
សូមអញ្ជើញស្តាប់បទសម្ភាសន៍របស់លោកឧត្តមសេនីយ៍ សូកាំ ខូយ ដែលទើបទទួលមរណភាពកាលពីថ្ងៃទី១៤ វិច្ឆិកានេះ ហើយលោកបានផ្តល់ជូនដល់លោក សំ បូរិន្ទ កាលពីថ្ងៃទី១ ខែមករា ឆ្នាំ២០០៨ ជុំវិញរឿងនេះ មានសេចក្តីដូចតទៅ៖