បន្ទាប់ពីមានអន្តរាគមន៍ពីសំណាក់សមាគមនិងសហព័ន្ធខ្មែរកម្ពុជាក្រោម ព្រមទាំងអង្គការការពារសិទ្ធិមនុស្សជាតិនិងអន្តរជាតិនានាផងនោះ រដ្ឋាភិបាលក្រុងហាណូយក៏បានដោះលែង លោក ទឹម សាខន មកវិញ។
ប៉ុន្តែរហូតមកទល់ថ្ងៃទី៤ ខែមេសានេះ ទើបអាជ្ញាធរយៀកណាមអនុញ្ញាតឲ្យអតីតព្រះគ្រូចៅអធិការវត្តរូបនេះបានធ្វើដំណើរមកជួបក្រុមគ្រួសារនៅក្នុងប្រទេសកម្ពុជា។
លោក មណ្ឌលកែវ បានជួបសម្ភាសផ្ទាល់ជាមួយលោក ទឹម សាខន នៅឯផ្ទះឪពុករបស់លោកដែលស្ថិតនៅភូមិតាឡឹង ឃុំភ្នំដិន ស្រុកគិរីវង់ ខេត្តតាកែវ អំពីរឿងរ៉ាវដែលនាំឲ្យមានការចាប់ខ្លួនរបស់លោកមានសេចក្តីទាំងស្រុងដូចតទៅ ៖