សកម្មជននៃសហគមន៍បឹងកក់ នាំគ្នាលើកបដាតវ៉ានៅមុខសាលាដំបូងរាជធានីភ្នំពេញ ទាមទារឲ្យតុលាការដោះលែងអ្នកស្រី ទេព វន្នី និងអ្នកស្រី បូវ សោភា នៅព្រឹកថ្ងៃទី២២ ខែសីហា។
សវនាការនៅថ្ងៃទី២២ សីហា នេះ តុលាការបានប្ដូរបទចោទអ្នកស្រី ទេព វន្នី និងអ្នកស្រី បូវ សោភា ពីបទញុះញង់ឲ្យប្រព្រឹត្តបទល្មើសជាអាទិ៍ តាមមាត្រា៤៩៥ នៃក្រមព្រហ្មទណ្ឌ ទៅជាបទប្រមាថតាមមាត្រា៥០២ នៃក្រមព្រហ្មទណ្ឌ។ បទចោទថ្មីនេះ គឺតុលាការផ្ដន្ទាទោសអ្នកទាំងពីរឲ្យជាប់ពន្ធនាគារ ៦ថ្ងៃ និងពិន័យជាប្រាក់ម្នាក់ ៨ម៉ឺនរៀល។ ការផ្លាស់ប្ដូរបទចោទនេះ ក្រោយពីមេធាវី និងកូនក្ដីបង្ហាញអំណះអំណាងថា ទង្វើរបស់អ្នកទាំងពីរដែលប្រើប្រាស់សម្ភារៈធ្វើយុទ្ធនាការថ្ងៃច័ន្ទពណ៌ខ្មៅ ដូចជារូបទីងមោងឥតក្បាល គឺមិនបានបំពាននឹងច្បាប់នោះទេ ហើយនេះជាសេរីភាពនៃការប្រតិបត្តិសាសនា។
អ្នកស្រី បូវ សោភា និងអ្នកស្រី ទេព វន្នី ត្រូវបានសមត្ថកិច្ចចាប់ឃុំខ្លួននៅល្ងាចថ្ងៃច័ន្ទ ទី១៥ សីហា ក្នុងពេលធ្វើយុទ្ធនាការថ្ងៃច័ន្ទពណ៌ខ្មៅនៅសហគមន៍បឹងកក់៕
[ ចុចត្រង់នេះ ដើម្បីអានព័ត៌មានពិស្ដារOpens in new window ]
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖
ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។