មន្ត្រីបរិស្ថានខេត្តព្រះវិហារ ចំនួន ៩នាក់រួមគ្នាជាមួយបណ្ដាញព្រះសង្ឃឯករាជ្យ និងសហគមន៍ ចុះល្បាតព្រៃព្រះរកា មានទីតាំងជាប់ស្រុកចំនួន៤ ក្នុងខេត្តព្រះវិហារ គឺស្រុកឆែប ស្រុកត្បែងមានជ័យ ស្រុកជាំក្សាន្ត និងស្រុកជ័យសែន ចាប់ផ្ដើមពីថ្ងៃទី២៩ ដល់ថ្ងៃទី៣១ តុលា។
ក្នុងពេលចុះល្បាតព្រៃព្រះរកានេះ ពួកគេចាប់បានអ្នកកាប់ឈើ ១០នាក់ ក្នុងនោះអ្នកកាប់ឈើ ៥នាក់ត្រូវបានបញ្ជូនទៅតុលាការ ចំណែកឯស្ត្រីម្នាក់រត់គេចខ្លួនរួច ខណៈ ៤នាក់ទៀត ត្រូវបានអាជ្ញាធរឲ្យធ្វើកិច្ចសន្យាឈប់កាប់ឈើ។ ក្រៅពីចាប់បានអ្នកកាប់ឈើ ពួកគេក៏រឹបអូសបានសម្ភារៈមួយចំនួនទៀតរួមមាន រណារយន្តចំនួន ៤គ្រឿង និងគោយន្តដឹកឈើចំនួន ៣គ្រឿង៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖
ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។