[ រូបភាពថ្ងៃចូលឆ្នាំទី២នៅភ្នំពេញOpens in new window ]
នៅថ្ងៃបុណ្យចូលឆ្នាំថ្ងៃទី២ នៅក្នុងរាជធានីភ្នំពេញ មានសភាពស្ងប់ស្ងាត់ នៅតាមផ្លូវ តាមផ្សារ តាមភោជនីយដ្ឋាននានា បានបិទទ្វារដែរ តែមានគេលេងល្បែងប្រជាប្រិយតិចតួចដោយកន្លែង ដូចជានៅតាមវត្ត នៅរមណីយដ្ឋានវត្តភ្នំជាដើម។
សូមស្ដាប់សេចក្ដីរាយការណ៍របស់អ្នកស្រី អ៊ុក សាវបូរី៖
នៅឯខេត្តសៀមរាប សមត្ថកិច្ចបានដាក់ពង្រាយកងកម្លាំងប្រមាណជាង ២ពាន់នាក់ នៅជុំវិញប្រាសាទបូរាណនានា និងរមណីយដ្ឋានជាច្រើនកន្លែង ដើម្បីធានាសន្តិសុខដល់អ្នកទេសចរណ៍ជាតិ និងអន្តរជាតិ ដែលកំពុងមកកម្សាន្តអំឡុងពេល ៣ថ្ងៃនៃឱកាសបុណ្យចូលឆ្នាំខ្មែរកំពុងតែប្រព្រឹត្តទៅនេះ។
ការបន្ថែមសន្តិសុខនៅតំបន់ទេសចរណ៍នេះ ស្របពេលដែលគេរំពឹងទុកថា ភ្ញៀវទេសចរជាតិ និងអន្តរជាតិជាច្រើន កំពុងមកកម្សាន្តក្នុងពិធីអង្គរសង្រ្កាន្ដដ៏ធំមួយ ដែលគេប្រារព្ធឡើងជាលើកដំបូង។
សូមស្ដាប់សេចក្ដីរាយការណ៍របស់លោក ហង្ស សាវយុត ពីខេត្តសៀមរាប៖
ទន្ទឹមពេលដែលពិធីបុណ្យចូលឆ្នាំថ្មីប្រពៃណីជាតិបានប្រព្រឹត្តទៅយ៉ាងឱឡារិកនៅគ្រប់ទិសទីក្នុងទូទាំងប្រទេស ជាពិសេសនៅតាមទីប្រជុំជន និងរមណីយដ្ឋាននានា មានមនុស្សកុះករនាំគ្នាលេងល្បែងប្រជាប្រិយ ដូចជាបោះអង្គញ់ ចោលឈូង ទាញព្រ័ត្រ និងខ្លះទៀតនាំគ្នារាំវង់យ៉ាងរីករាយនោះ នៅឯភូមិដាច់ស្រយាលមួយនៃខេត្តពោធិ៍សាត់ អ្នកភូមិប្រារព្ធពិធីបុណ្យចូលឆ្នាំក្នុងលក្ខណៈស្រគត់ស្រគំ និងអត្តខាត់ ទាំងនៅឯភូមិឋាន និងនៅទីអារាម។
លោក មណ្ឌល កែវ ដែលបានទៅដល់ភូមិដាច់ស្រយាលមួយនៃខេត្តពោធិ៍សាត់ មានសេចក្ដីរាយការណ៍ពីទិដ្ឋភាពនៃពិធីបុណ្យចូលឆ្នាំរបស់អ្នកភូមិនៅទីនោះ៖
នៅក្នុងឱកាសចូលឆ្នាំថ្មីនេះដែរ ខ្មែរកម្ពុជាក្រោមមួយចំនួនបានទៅលេងស្រុកកំណើតនៅខ្មែរកម្ពុជាក្រោម ដើម្បីជួបជុំបងប្អូនសាច់ញាតិរបស់ខ្លួន តែមានអ្នកខ្លះទៀតមិនអាចចូលទៅលេងនៅប្រទេសវៀតណាមបានទេ នាឱកាសចូលឆ្នាំថ្មីនេះ។
សូមស្ដាប់សេចក្ដីរាយការណ៍របស់លោក ទីន ហ្សាការីយ៉ា ពីបញ្ហានេះ៖
ចំណែកឯបញ្ហាគ្រោះថ្នាក់ចរាចរណ៍វិញ រយៈពេល ២ថ្ងៃនៃពិធីបុណ្យចូលឆ្នាំនេះ មន្ត្រីប៉ូលិសនៅតាមបណ្ដាខេត្តមួយចំនួនបានកត់សំគាល់ឃើញថា ហាក់មានការថយចុះតិចតួចជាងឆ្នាំកន្លងទៅ។
សូមស្ដាប់សេចក្ដីរាយការណ៍របស់អ្នកនាង ទេព សុរ៉ាវី៖
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។