លោកនាយករដ្ឋមន្ត្រី ហ៊ុន សែន បានធ្វើដំណើរទៅដល់ទីក្រុងណាននីង ខេត្តក្វាងស៊ី ប្រទេសចិន ហើយនៅថ្ងៃទី១១ កញ្ញា ដើម្បីចូលរួមពិធីតាំងពិព័រណ៍អាស៊ាន-ចិន លើកទី១៤ ពីថ្ងៃទី១១ ដល់ថ្ងៃទី១៣ ខែកញ្ញា។
សេចក្តីប្រកាសព័ត៌មានរបស់ក្រសួងការបរទេស និងសហប្រតិបត្តិការអន្តរជាតិ ឲ្យដឹងថា លោក ហ៊ុន សែន នឹងថ្លែងសុន្ទរកថាក្នុងពិធីបើកតាំងពិព័រណ៍នេះ ដោយផ្ដោតទៅលើការជំរុញពាណិជ្ជកម្មឲ្យខ្លាំងថែមទៀតរវាងអាស៊ាន និងចិន ព្រមទាំងការទាក់ទាញវិនិយោគ និងទេសចរចិន មកកាន់តំបន់អាស៊ាន។
បន្ទាប់មក លោក ហ៊ុន សែន នឹងចូលរួមក្នុងពិធីកាត់ខ្សែបូសម្ពោធពន្លាជាតិកម្ពុជា ព្រមទាំងទស្សនាតង់តាំងពិព័រណ៍របស់កម្ពុជា។ ក្រៅពីនោះ លោក ហ៊ុន សែន ក៏មានជំនួបពិភាក្សាជាមួយមន្ត្រីចិន មួយចំនួនផងដែរ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖
ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។