ដើមកៅស៊ូគ្រួសាររបស់ពលរដ្ឋនៅភូមិជ្រុង ឃុំកក់ ស្រុកបរកែវ ខេត្តរតនគិរី មានអាយុជាង ៨ឆ្នាំ ជាង ៥.០០០ដើម ត្រូវខ្យល់កន្ទ្រាក់បោកបក់ធ្វើឲ្យបាក់ត្រឹមពាក់កណ្ដាលដើម។
អ្នកថែរក្សាចម្ការកៅស៊ូមួយកន្លែង គឺលោក ជូរ គឹមសាន បញ្ជាក់ថា ភ្លៀងមួយមេធំបានធ្លាក់កាលពីរសៀលថ្ងៃទី១៨ ខែមេសា នាំមកជាមួយនូវខ្យល់កន្ទ្រាក់វាយបំបាក់ដើមកៅស៊ូពាក់កណ្ដាលដើម។លោកបន្តថា ចម្ការកៅស៊ូប្រមាណ ៥ នៅតំបន់ជិតគ្នានោះរងការខូចខាតដើមកៅស៊ូមិនអាចបន្តចៀរជ័រទៀតបាន៖ «ភ្លៀងបក់មកត្រូវតែកន្លែងហ្នឹង ប្រហែលម៉ោង ៣រសៀល។ កៅស៊ូបាក់តិចតួច មានបួនទៅប្រាំម្ចាស់ ដីហូតបូរី បាក់ជាង ៥ពាន់ដើម»។
ទោះជាយ៉ាងណា ខ្យល់កន្ត្រាក់នេះ មិនបានបង្កគ្រោះថ្នាក់ដល់ប្រជាពលរដ្ឋ ឬកម្មករចម្ការកៅស៊ូណាម្នាក់ទេ ដោយសារកម្មករបានរត់គេចពីចម្ការកៅស៊ូ ខណៈខ្យល់ចាប់បោកបក់ខ្លាំង៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖
ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។