សកម្មជនមាតាធម្មជាតិមួយរូបឈ្មោះ ហ៊ុន វណ្ណៈ ត្រូវបានអាជ្ញាធរស្រុកស្អាង ខេត្តកណ្ដាល ចាប់ខ្លួនវេលាម៉ោង ១២ និង ៣០នាទី ថ្ងៃទី៧ សីហា។
សកម្មជនមាតាធម្មជាតិមួយរូបទៀត គឺលោក ថុន រដ្ឋា និងទំព័រហ្វេសប៊ុក (facebook) របស់មាតាធម្មជាតិ ឲ្យដឹងថា លោក ហ៊ុន វណ្ណៈ ត្រូវបានអាជ្ញាធរស្រុកស្អាង ចាប់ខ្លួនពេលដែលលោកចូលរួមឃ្លាំមើលការជជែកគ្នារវាងអ្នកភូមិ និងក្រសួងរ៉ែ និងថាមពល អំពីបញ្ហាបូមខ្សាច់នៅត្រង់ចំណុចភូមិកោះគរ ឃុំរកាខ្ពស់ ស្រុកស្អាង ខេត្តកណ្ដាល។
ទំព័រហ្វេសប៊ុករបស់មាតាធម្មជាតិ សរសេរថា ការចាប់ខ្លួនលោក ហ៊ុន វណ្ណៈ កាលពីវេលាថ្ងៃត្រង់ គឺបណ្ដាលមកពីសកម្មជនមាតាធម្មជាតិរូបនេះចូលរួមជាមួយប្រជាពលរដ្ឋក្នុងការទាមទារឲ្យក្រុមហ៊ុន ឡេង ជីង បញ្ឈប់ការបូមខ្សាច់ ដែលបណ្ដាលឲ្យបាក់ច្រាំងទន្លេ និងបាក់ផ្ទះនៅតំបន់នោះ។
រហូតមកដល់រសៀលថ្ងៃដដែលនេះ លោក ហ៊ុន វណ្ណៈ កំពុងឋិតនៅក្រោមការសាកសួររបស់នគរបាលនៃស្នងការដ្ឋាននគរបាលខេត្តកណ្ដាល នៅឡើយ។
សូមស្ដាប់ព័ត៌មានពិស្ដារ៖
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖
ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។